Գրաբարի դասագիրք/Այլ բժշկութիւնք Յիսուսի

Մանուկ Աբեղեան

29․ ԱՅԼ ԲԺՇԿՈՒԹԻՒՆՔ ՅԻՍՈՒՍԻ (Մատթ․ Թ․ 1-19, 23-38)

¹Եւ մտեալ ի նաւ՝ անց յայնկոս և եկն ի քաղաք իւր։ ²Եւ ահա մատուցին առ նա անդամալոյծ մի, որ դնԷր ի մահիճս։ Եւ տեսեալ Յիսուսի զհաւատս նոցա՝ ասԷ ցանդամալոյծն, «Թողեալ լիցին քեզ մեղք քո»։ ³Եւ ահա ոմանք ի դպրացն ասեն ընդ միտս․ «հայոյԷ դա»։ ⁴Եւ ծանուցեալ Յիսուսի զխորհուրդս նոցա՝ ասԷ ցնոսա․ «ԸնդԷ՞ր խորհիք դուք չարիս ի սիրտս ձեր»։ ⁵Զի՞նչ դիւրին Է, ասել՝ թողեալ լիցին քեզ մեղք քո, թԷ՞ ասել՝ արի՛ և շրջեա՛ց։ ⁶Այլ զի գիտասջիք, եթԷ իշխանութիւն ունի Որդի մարդոյ յերկրի թողուլ զմեղս, (յայնժամ ասԷ դանդամալոյծն), արի՛, ա՛ռ զմահիճս քո և ե՛րթ ի տուն քո»։ ⁷Եւ յարուցեալ գնաց ի տուն իւր։ ⁸Իբրև տեսին ժողովուրդքն զարմացան և փառաւոր առնԷին զԱստուած, զտուիչն այնպիսի իշխանութեան՝ մարդկան։

⁹Եւ անցեալ ընդ այն Յիսուսի՝ ետես զայր մի, զի նստԷր ի մաքսաւորութեան, ՄատթԷոս անուն, և ասԷ ցնա, «Եկ զկնի իմ»։ Եւ յարուցեալ գնաց զկնի նորա։ ¹⁰Եւ եղև իբրև բազմեալ Էր նա ի տանն, և ահա բազում մաքսաւորք և մեղաւորք եկեալ և բազմեալ Էին ընդ Յիսուսի և ընդ աշակերտս նորա․ 11Իբրև տեսին փարիսեցիքն, ասեն ցաշակերտս նորա․ «Ընդե՞ր ընդ մաքսաւորս և ընդ մեղաւորս ուտԷ վարդապետն ձեր»։ ¹²Իսկ Յիսուս իբրև լուաւ, ասԷ ցնոսա․ «Ոչ Է պիտոյ բժիշկ կարողաց, այլ հիւանդաց։ ¹³Երթա՛յք, ուսարո՛ւք, զի՛նչ Է՝ Զողորմութիւն կամիմ և ոչ զզոհ․ զի ոչ եկի կոչել զարդարս, այլ զմեղառորս»։

¹⁴Յանժամ մատեան առ նա աշակերտքն Յովյաննու և ասեն․ «Ընդե՞ր մեք և փարիսեցիքն պահեմք յաճախ, և քո աշակերտքդ ո՛չ պահեն»։ ¹⁵ԱսԷ ցնոցա Յիսուս․ «ՄիթԷ մա՛րթ ինչ իցԷ մանկանց առագաստի սուգ առնուլ, մինչ փեսայն ընդ նոսա իցԷ․ այլ եկեսցեն աւուրք, յորժամ բարձցի ի նոցանԷ փեսայն և ապա պահեսցեն»։ ¹⁶Ոչ ոք առկանԷ կապերտ անթափ ի վերայ հնացեալ ձորձոյ, զի առնու ելանԷ զլռութիւն նորա ի հանդերձեն, և ևս չար պատառումն լինի։ ¹⁷Եւ ոչ արկանեն գինի նոր ի տիկս հինս, ապա թԷ ոչ՝ տիկքն պատառին, և գինին հեղու, և տիկքն կորնչին․ այլ արկանեն զգինի նոր ի տիկս նորս, և երկոքին պահին»։

¹⁸Մինչդեռ նա զայս խօսԷր ընդ նոցա, ահա իշխան մի մատուցեալ երկիր պագանԷր նմա և ասԷր․ «Դուստր իմ արդ ևս վախճանեցաւ․ այլ եկեալ դիցես զձեռն քո ի վերայ նորա․ և կեցցԷ»։ ¹⁹Յարեաւ Յիսուս և գնաց զկնի նորա աշակերտքն հանդերձ։ ²⁰Եւ ահա կին մի տեռատես երկոտասանամեայ մատուցեալ յետոյ՝ մերձեցաւ ի դրօշակ հանդերձի նորա․ ²¹Քանզի ասԷր ի մտի իւրում, թԷ միայն մերձենամ ի հանդերձս նորա․ փրկիմ։ ²²Իսկ Յիսուս իբրև դարձաւ և ետես զնա, ասԷ, քաջալերեաց, դուստր, հաւատք քո կեցուցին զքեզ․ և փրկեցաւ կինն ի ժամԷն յայնմանԷ։ ²³Իբրև եկն Յիսուս ի տուն իշխանին և ետես զփողարսն և ամբոխ յոյժ, ²⁴ասԷ ցնոսա․ «Ի բա՛ց գնացԷք․ զի ոչ եթԷ մեռեալ Է աղջիկդ, այլ ննջԷ»։ ²⁵Եւ ծաղր առնԷին զնա։ Եւ իբրև ել ամբոխն ի բաց՝ եմուտ, կալաւ զձեռանԷ նորա, ²⁶և յարեաւ աղջիկն։ եւ ել համբաւս այս ընդ ամենայն երկիրն ընդ այն։

²⁷Եւ մինչդեռ անցանԷր ընդ այն Յիսուս, զհետ եղեն նորա կոյրք երկու, աղաղակԷին և ասԷին․ «Ողորմեա՛ց մեզ, որդի՛ Դաւթի»։ ²⁸Եւ իբրև եկն ի տուն, մատեան առ նա կոյրքն․ և ասԷ ցնոսա Յիսուս․ «Հաւատա՞յք, եթԷ կարող եմ առնել ձեզ զայդ»։ ²⁹Ասեն ցնա․ «Այո՛, ՏԷ՛ր»։ Յանժամ մերձեցաւ յաչս նոցա և ասԷ «Ըստ հաւատաց ձերոց եղիցի՛ ձեզ»։ ³⁰Եւ բացան աչք նոցա․ և սաստեաց նոցա Յիսուս և ասԷ․ «Զգոյշ կացԷք, մի՛ ոք գիտասցԷ»։ ³¹Եւ նոքա ելեալ համբաւեցին զնա ընդ ամենայն երկիրն ընդ այն։

³²Եւ յելանելն նոցա արտաքս՝ ահա մատուցին առ նա այր մի համր դիւահար։ ³³Եւ յելանել դիւին՝ խօսեցաւ համրն, և զարմացան ժողովուրդքն և ասեն թԷ՝ «Եւ ոչ երբԷք երևեցաւ այսպիսի ինչ յԻսրայելի»։ ³⁴Իսկ փարիսեցիքն ասԷին, թԷ՝ «Իշխանաւն դիւաց հանԷ դա զդևս»։

³⁵Եւ շրջԷր Յիսուս ընդ ամենայն քաղաքս և ընդ գեօղս, ուսուցանԷր ի ժողովուրդս նոցա և քարոզԷր զաւետարանն արքայութեան, և բժշկԷր զամենայն ախտս և զամենայն հիւանդութիւնս ի ժողովրդեանն։ ³⁶Եւ տեսեալ զժողովուրդսն՝ գթացաւ ի նոսա, զի Էին աշխատեալք և ցրւեալք իբրև զոշխարս, որոց ոչ իցԷ հովիւ։ ³⁷Յայնժամ ասԷ զաշակերտսն իւր․ «Հունձք բազում են, և մշակք սակաւ։ ³⁸Արդ աղաչեցԷ՛ք զՏԷր հնձոց, զի հանցԷ մշակս ի հունձս իւր»։