Համաձայն եմ և պատրաստ եմ տալու ընկերությանդ մանկական թե արձակ և թե չափական գրվածքներ, բայց որովհետև գրվածքի որակն ավելի վճռական նշանակություն ունի քան թե քանակը, դժար է վարձատրության մի չափ որոշել, միանգամ ընդմիշտ տողով կամ թերթով։ Ամեն անգամ, երբ կառաջարկեմ իմ գրվածքը՝ հետը միասին կհայտնեմ և պայմանները թե վարձատրության վերաբերությամբ, թե տպագրելիք օրինակների քանակի և թե ժամանակի։
Սակայն, եթե հարգելի վարչությանդ անպատճառ հարկավոր է մի որոշ չափ, կխնդրեմ ի նկատի ունենալ «Հասկերի» վարձատրության չափը, որ 3—5 երեսի համար 40 ռուբլի է։ Տպագրելիք օրինակների թիվը երեք հազար, ժամանակը երեք տարի։
Եվ էս կամ էն ձևով կապվելու դեպքում խնդրելու եմ կանխավճար2։
1 հունիսի 1913, Թիֆլիս
Երեկ Ստեփանի (Լիսիցյանի) ու տեր Գյուտի հետ խոսեցինք։ էսպես է ձևակերպվում վերջապես։
Վարչությունը պրեցեդենտ չստեղծելու մտքով զլանում է տալ 500 ռուբլի։ Բայց նախագահը ադմինիստրատիվ1 կարող Է տալ, ինչքան կուզի։
Վարչությունը, որ 3 տարին 5 Է շինել, իհարկե, կարող Էր 500<-ի> փոխարեն Էլ 300-առաջարկել կամ 250 ռուբլի, մնացած կեսն Էլ եթե դու քո իրավունքով տայիր—գործը գլուխ կգար։
Մանավանդ, դուք արդեն առաջուց ընդունում եք իմ
