Մայկոպի շրջանի[1] նվիրատուներից ստացած գումարի մասին տեղեկություն տալ. եթե ստացել եք այդպիսի գումար, Բյուրոյին հասցնել: Սակայն մինչև այժմ պատասխան չի ստացել [Բյուրոն]:
Նաև փետրվարի 21-ի գրությամբ դիմվել է Խորհրդիդ, որպեսզի ԹԵլավից հայ կամավորների օգտին ուղարկած 150 զույգ գուլպան հասցնեք Բյուրոյին:
Թելավից կրկին և կրկին դիմում են Բյուրոյին և տեղեկություն խնդրում այդ իրերի ստացման մասին, սակայն Ձեր լռության պատճառով Բյուրոն հնարավորություն չունի նրանց պատասխանել:
Բյուրոն խնդրում է իրեն անհարմար դրության մեջ չդնել և վերոհիշյալ գրություններին պատասխանել:
Փոխնախագահ Բյուրոյի Հ.Խունունց
ՀԱՍ, Ֆ.228, ց.1, գ.116, թ.63: Բնագիր: Ձեռագիր:
N 79
ՀԱՅՈՑ ԱԶԳԱՅԻՆ ԲՅՈՒՐՈՅԻ ԳՐՈՒԹՅՈՒՆԸ ԱՌԱՋԻՆ ՀԱՄԱՇԽԱՐՀԱՅԻՆ ՊԱՏԵՐԱԶՄԻՑ
ՎՆԱՍՎԱԾՆԵՐԻՆ ՕԳՆՈՂ ՀԱՅԿԱԿԱՆ ԿԵՆՏՐՈՆԱԿԱՆ ՀԱՆՁՆԱԺՈՂՈՎԻՆ ՎԵՐՋԻՆԻՍ
ՄԻՋՈՑՈՎ ՈՒՂԱՐԿՎԱԾ ԻՐԵՐԸ ՍՏԱՆԱԼՈՒ ՄԱՍԻՆ
Բյուրոն ստացավ Կոմիտեիդ միոցով մեզ ուղարկված հետևյալ իրերը:
Ղզլարից[2] - երեք արկղ. 46 տաք շապիկ, 40 տաք ժիլետ, 54 տաք վարտիկ, 10 շարֆ և 3 զույգ գուլպա:
Կոկանդից - մեկ արկղ. 77 հատ շլեմ, 27 զույգ կտորից թևնոց և 7 պարկ նվեր:
Իրերի ստացման մասին հայտնված է նվիրատուներին:
Փոխնախագահ Բյուրոյի Ալ. Խատիսյան
ՀԱԱ, Ֆ.28, ց.1, գ.116, թ.68: Բնագիր: Ձեռագիր:
N 80
ՀԱՅՈՑ ԱԶԳԱՅԻՆ ԲՅՈՒՐՈՅԻ ԳՐՈՒԹՅՈՒՆԸ ԱՌԱՋԻՆ ՀԱՄԱՇԽԱՐՀԱՅԻՆ ՊԱՏԵՐԱԶՄԻՑ
ՎՆԱՍՎԱԾՆԵՐԻՆ ՕԳՆՈՂ ԿԵՆՏՐՈՆԱԿԱՆ ԿՈՄԻՏԵԻՆ ԻԳԴԻՐՈՒՄ ԳԱՂԹԱԿԱՆՆԵՐԻ
ՎԵՐԱՂԱՐՁԻՆ ՈՒ ՀԱՍՏԱՏՎԵԼՈՒՆ ՆՊԱՍՏՈՂ ՀԱՆՁՆԱԺՈՂՈՎ ՍՏԵՂԾԵԼՈՒ ՀԱՐՑԻ ՄԱՍԻՆ
Բյուրոն Իգդիրից պ. Ս.[իրական] Տիգրանյանից ստացել է մարտի 6-ի թվակիր մի գրություն, որի մեջ պ. Տիգրանյանը հաղորդում է հետևյալը.
