Էջ:Hagop Baronian, Collected works, vol. 1 (Հակոբ Պարոնյան, Երկերի ժողովածու, հատոր 1-ին).djvu/228

ՏԵՍԻԼ Բ

ՆՈԻՅՆ, ՊԱՊԻԿ

ԹԱԴԵ

Այնպես չէ՞, ճշմարիտը զրուցե։

ՊԱՊԻԿ

Այնպես է։

ԹԱԴԵ

Տեսա՜ր ճշմարտախոս մարդը, զարմանալին հոս է, որ ես իրեն խնդալու խոսք մը չըրի:

ՊԱՊԻԿ

Զարմանալին հոն է, որ դուք իրեն խնդալու խոսք մը չըրիք։

ԹԱԴԵ

Ես իրեն ամեն բան տեղն ի տեղը պատմեցի։

ՊԱՊԻԿ

Դուք իրեն ամեն բան տեղն ի տեղը պատմեցիր:

ԹԱԴԵ

Մանավանդ թե իրեն ալ կարծիքը հարցուցի:

ՊԱՊԻԿ

Այո, իրեն ալ կարծիքը հարցուցիր։

ԹԱԴԵ

Իրավունք չունի՜մ բարկանալու:

ՊԱՊԻԿ

Ի՜նչպես չունիք, բարկանալու լիուլի իրավունք ունիք, և ինչո՞ւ պիտի զրկվիք բարկանալու իրավունքեն:

ԹԱԴԵ

Խնդրույն ինչ ըլլալը գիտե՞ք^[1]։

1. [Հարկավ]