— Ի՞նչ պիտի դնես։
— Ամբակում։
— Շատ հարմար անուն մէ, ծառա եմ, տեր Ամբակում:
— Երթաք բարով։
Բարթողիմեոս աղան այսպես քու օձիքեդ բռնելով՝ քեզ կը
տանի մինչև հոն, ուր պիտի երթար։ Յուր երթալիք տեղը հասնելուն պես՝
— Չես խոսիր կոր, աղբա՛ր, կըսե քեզի։
— Ի՞նչ խոսիմ։
— Ուրիշ օր մը երկար բարակ տեսնվինք, սանկ խոսինք։
Մնաք բարով, տեսնվինք սակայն։
— Երթաք բարով։
— Ըսելիք ունիմ քեզի։
— Շատ լավ։
Կը բարկանաս, բայց քաղաքավարությունը կարգիլե քեզի
երեսել իրեն անկրթությունն։ Կերթաս, խանութդ կը բանաս
և գործերդ նույն օրը ձախորդ կերթան։ Կը հիշե՞ք օր մը, ուր
բարկացած ըլլաք և հաջողություն ունեցած ըլլաք։
Ես չեմ հիշեր։
Այս ու ամենայնիվ Բարթողիմեոս աղան ալ կը մարսվի.
անանկ անմարսելի բաներ կան, որոնց պատմությունն իսկ
սոսկում կը պատճառե մարդուս։
Քիչ մը համբերեցե՛ք։
— Գամիկ աղա, այս իրիկուն կերակուրը մեկ տեղ ուտենք։
— Շնորհակալ եմ, Մարկոս աղա, բայց չեմ կրնար գալ,
որովհետև ուրիշ տուն մը հրավիրված եմ։
— Կաղաչեմ։
— Կը խնդրեմ։
— Խոսքս մի՛ կոտրեր։
— Մի՛ ըներ։
— Չէ մի՛ ըսեր։
— Մի՛ ստիպեր։