⁂
— Աղջիկները այս ամիս ինչո՞վ կզբաղին։
— Ո՛ր տան սուարեին մեջ հարմար անկաժեներ գտնվելուն ցանկը պատրաստելով։
⁂
Մարդուն մեկը ուշ ատեն տուն երթալով կը հարցնե կնոջը.— ուտելու ի՞նչ ունինք։
Կինը կը պատասխանե. — եփելու ի՞նչ բերիր։
⁂
Նոր հարս մը յուր կեսուրոջը շարունակ մրմռալը տեսնելով կըսե. — սովորություն է որ կեսուրները շատ կը մրմռան. բայց սովորություն ալ է որ հարսերը ատոնց բնավ ականջ չեն կախեր։
⁂
Տիկին մը յուր սպասավորին կը պատվիրե, որ տան մեջ անցած դարձած բաներուն վրա յուր աղային բնավ բան մը չըսե։
Օր մը իրավամբ կարի հետաքրքրական և ծիծաղաշարժ դեպք մը կը պատահի, որուն վրա սպասավորը չկրնար յուր խնդալը զսպել։ Իրիկունը երբ աղան տուն կուգա կը տեսնե որ սպասավորը շարունակ կը խնդա։
— Ծո՛, ինչո՞ւ կը խնդաս կոր։
— Ճանրմ աղա, ինչի՞ չխնդամ։
— Խնդալու ինչ կա որ...
— Խնդալու բան մի չըլլի նե հիչ կու խնդամ։
— Է՛յ, ինչ կա նայինք։
— Ինչո՞ւ։
— Հանըմը էնանկ պատվեր արաց։
— Զուրցե, զուրցե ես քու պախշիշդ կուտամ էյեր շիտակը զրուցես նե՝ առ նայիմ սա ոսկին։
— Զուրցիմ, ճանրմ աղաս... այս միջոցին տիկինը, որ մտիկ կ՝ըներ ենթադրելով որ ապերախտ ծառան տան գաղտնիքը երևան պիտի հանե, առանց ամուսնույն տեսնելու սպասավորին երկու ոսկի կը ցուցնե։
— Էֆենտի՛մ, բան մի չիկա որ զուրցեմ, չե՞ս տեսներ ալ չեմ խնդար։