ՍԵՂԱՆԻ ԱՌՋԵՎ
— Ահ, պարոն, որչափ կը սիրեք հավկիթը, ըսավ տիկին մը երիտասարդի մը, որ թեթևաբարո էր քիչ մը։
— Չգիտեք, որ նմանն զնմանն սիրե, պատասխանեց տիկնոջ ամուսինը երիտասարդին դատը պաշտպանելով։
⁂
— Ինչո՞ւ տոպրակը դուն կը տանիս կոր։
— Ի՞նչ ընեմ հապա։
— Համալի մը տուր թող տանի։
— Անցյալ տարի համալի մը տվի տոպրակ մը, որ տուն տանի, առավ տոպրակը գնաց, մեյ մալ չերևցավ։
— Ուր էր թե այն տոպրակին տեղ իմ կնիկս ըլլար։
⁂
Ղազար բարի երիտասարդ մէ, միայն թե քիչ մը ապուշ է, քիչ մալ աղքատ է։
Այս Ղազարը այս տարի հովանոց մը առնել չկրնալուն համար, անձրևի օրերը դրացիին դռնեն դուրս ելնելուն կսպասեր և անոր մեծ հովանոցին տակը անձրևեն ինքզինքը կը պաշտպաներ։ Դրացին ալ բան մը չէր ըսեր։
Այս Ղազարը առջի օրը դրացին դերձակի մը խանութ տեսնելով քովը կերթա։
— Ի՞նչ գործ ունիս հոս, կը հարցնե։
— Բանթալոն մը շինել կուտամ կոր։
— Կաղաչեմ, քիչ մը լայնկեկ շինել տուր, որ երկուքնիս մեկեն հագնինք, կըսե ականջն ի վար ու կերթա։