— Այո՛, բայց կը խնդրեմ, որ նույն պատիժր տնօրինեք ինձի, ինչ պատիժ որ կը տրվի այն բժշկին, որ փորձի համար մեծ չափով գեղ կուտա ու հիվանդը կը մեռցնե։
⁂
Մարտիկը հարուստ հորեղբայր մը ունի, որուն մեռնելուն կսպասե, որ ժառանգ ուտե։
Հորեղբայրը առջի օրը պտըտելու ելնել ուզելով՝ Մարտիկին հարցուց, թե ո՛ր կողմ երթա պտըտելու։
— Հորեղբայր իմ, երկաթուղիին գծերուն վրա գացեք պտըտելու, շատ աղվոր է, պատասխանեց Մարտիկը։
⁂
— Ես չեմ կրնար զինվոր գրվիլ։
— Ի՞նչ պատճառ ունիս զինվորագրութենե ազատվելու համար, հիվանդություն չունիս, հաշմանդամ չես։
— Հիվանդություն չունիմ, բայց կրնամ հիվանդանալ, եթե քանի մը տարի սպասեք, որովհետև իմ հայրս հիսուն տարեկան էր վրան կաթված եկավ, և գիտեք, որ այս ախտը ժառանգական է։
⁂
— Դո՞ւք եք, որ Կ․ Թ․․.ի տունեն արժեթուղթեր գողցած եք։
— Այո՛, պարոն նախագահ, ես առի. բայց չեմ կրնար հասկնալ, թե ինչո՞ւ զիս իբրև հանցավոր հոս բերին։
— Ի՞նչ ըսել կուզես։
— Ի՞նչ ըսել պիտի ուզեմ, իմ առածներս Թուրքիո արժեթուղթեր էին։
⁂
Նորատի և գեղեցիկ կին մը պարահանդես հրավիրված ըլլալով՝ առջի օրը կելնե, իր դրացուհվույն կերթա, որն որ բավականեն ավելի տգեղ էր։
