Վիքիդարանից՝ ազատ գրադարանից
Յայսմ անցաւոր անկայուն խաբօղ, պատրօղ վայելմանս».
Զոչինչ ունիմք հաստատունս, հիմնաւորս և կայականս.
Մի՛ լար, մի՛ լար, մի՛ հոգար,
Այս ամենայն անցանէ:
Վասն այսորիկ աւասիկ ո՛չ ոք բերկրեալ ո՛չ տըխրի,
Եւ հակընդդէմ յիրաւի ո՛չ ոք տըրտմեալ ո՛չ բերկրի.
Մի՛ լար, մի՛ լար, մի՛ հոգար,
Այս ամենայն անցանէ:
Փարթամաց և տընանկաց, մեծամեծաց և փոքունց
Նմանապէս հանդիպի նոյն պատահումն երկոցունց.
Մի՛ լար, մի՛ լար, մի՛ հոգար,
Այս ամենայն անցանէ:
Բազումք ի յոյժ անպատուից թագ պարծանաց ըստացան,
Եւ շատք փառօք պերճացեալ յիւրեանց փառացն ընկեցան.
Մի՛ լար, մի՛ լար, մի՛ հոգար,
Այս ամենայն անցանէ:
|
|
ԱՌ ԱՅՆ, ԶՈՐ ԳԼԽԱՏԱՌՔԴ ՑՈԻՑԱՆԵՆ
Ո՜վ համայնից փափագելի,
Յինէն՝ վասն է՞ր ի բաց շըրջիս.
Որքան լինիս՝ չե՛ս յագելի,
Յինէն վասն է՞ր ի բաց շըրջիս:
|
|