Վիքիդարանից՝ ազատ գրադարանից
Աշխարհ հիանայ,
Լըրիւ լիանայ,
Սէրն ընդ սիրելայն
Անլոյծ միանայ:
Անդ գահոյք կազմին,
Թագաւորք բազմին,
Ի մեծի խազմին
Տան վըճիռ բազմին:
Պարք հաւուց հաշտին,
Ի միմեանց պաշտին,
Երամախառնեալ
Ի մեծի դաշտին:
Ի վեր վերանան,
Թըռչին բարձրանան,
Յուղիսն հիանան,
Ի նոյն գոհանան:
Ի կորուստ ածին
Ցուրտքըն մահածին,
Միշտ գարուն է անդ,
Երկիր կենսածին:
Ներ մեղաց այրի
Յըստորըս վայրի,
Հոգիս իմ այրի,
Տոչորեալ այրի:
|
|