Վիքիդարանից՝ ազատ գրադարանից
Թարգմանությունը՝ Ալեքսանդր Ծատուրյանի
Պոետին
Թո՛ղ անխոնջ ուղին լինի գըրավի՜չ.
Դու քո վեհ կոչման, վեհ նպատակին.
Կա՛ց հավատարիմ, կա՜ց անշեղ, երգի՛չ,
Թե՛ քո երգերում, թե՛ գործի ժամին։
Եվ առա՛ջ գընա—սուրբ ճշմարտության
Զորավոր կոչին հըլու, հըպատակ.
Անցի՛ր խոցոտիչ տատասկի ճամփան,
Առանց հուսալու դըրախտ ու պըսակ։
Եղի՛ր մարտնչող անվեհեր հոգով,
Պաշտպան մարդկային իրավունքների.
Մի՛ թող, որ դարուս սև արատներով,
Վարակվի՜ հոգիդ և անարգ քընի՜։
Որպես շանթ երկնից, որպես հուր ու սուր,
Թո՛ղ հըզոր լինի քո ուժն երգերում.
Թե մարե քո ձայնն ազնի՜վ ու մաքո՜ւր,
Երգըդ չի՛ մարիլ մարդկանց սըրտերում…
|
|
