Վիքիդարան:Խորհրդարան

Վիքիդարանից՝ ազատ գրադարանից

Բովանդակություն 1 Տեքստերի ձևում 2 Հեղինակային իրավունքներ 3 Լոգո 4 Կատեգորիաների մասին 5 Wikisourceից՝ ազատ գրադարանից 6 Բոտի կարգավիճակի դիմում 7 Նոր անվանատարածքներ 8 Տեքստի ձևավորում 9 Նոր ընտրացանկ-վահանակ 10 «Հեղինակ» շաբլոնը

[խմբագրել] Տեքստերի ձևում

Անգլերեն վիքիակունքում կա "prose" տիպը, արձակ ստեղծագործությունների համար։ http://en.wikisource.org/wiki/MediaWiki:Common.css Օրինակի համար կարող եք տեսնել http://en.wikisource.org/wiki/The_Scarlet_Letter/Introductory Ի՞նչ եք մտածում հայերեն արձակ ստեղծագործությունների համար նույնպես ստեղծենք այդպիսի մի բան։ Անգլերենում դա սարքած է որպես՝ .prose { width: 35em; text-align:justify; margin:0px auto; } Ես կարծում եմ որ text-align:justify; հայերենի համար լավ իդեա չի, քանի որ հայերեն բառերը բավական երկար են։ Ես մի տեղ կարդացել եմ որ այդ դեպքերում ավելի լավ է անել text-align:left; http://webstyleguide.com/type/align.html Ի՞նչ կարծիքներ կան։ Սահակ 22:18, 14 July 2007 (UTC)

Ողջու՛յն, Սահակ։ Ես այս պահին ձևավորման ետևից շատ չէի ընկնի։ Երբ առանձին դոմեյնի տեղափոխվենք, արդեն կարելի կլինի ամբողջ վիքիյի մասշտաբով ձևավորման կանոնակարգ ստեղծել։ Իսկ այս պահին գլխավորը «կրիտիկական զանգված» հավաքելն է, որպեսզի հայերեն վիքին առանձին կայքի արժանանա։

Ի դեպ, ավելացնե՞մ կեղծանունդ առանձին դոմեյնի դիմումի մեջ որպես նախագծի մասնակից։ Սա ուժ կտա դիմումին՝ բարձրացնելով կայքի ստեղծման հավանականությունը։ — Teak 00:13, 16 July 2007 (UTC)

Բարև Teak։ Իհարկե ավելացրու իմ անունը առանձին դոմեյնի դիմումի մեջ։ Ես կաշխատեմ կրիտիկական զանգված հավաքելու վրա։ Սահակ 11:02, 16 July 2007 (UTC)

Ողջույն կրկին, Սահակ։ Ավելացրեցի կեղծանունդ։ Եթե դժվար չի, խնդրում եմ այստեղիդ մասնակցի էջի վրա հղում դիր դեպի վիքիպեդիայի մասնակցիդ էջը (տես օրինակ իմ մասնակցի էջը)։ Թող երևա (վիքիմեդիայի խորհրդի անդամներին, որոնք և ընդունում են նոր դոմեյնի բացման մասին որոշումը), որ հայերեն վիքի-հանրության հին անդամ ես։ Շնորհակալություն։ ― Teak 15:28, 16 July 2007 (UTC)

[խմբագրել] Հեղինակային իրավունքներ

Հարգելի հայերեն վիքիդարանի հանրության մասնակիցներ, Սահակ, Վազգեն, կոչ եմ ձեզ անում այստեղ նյութեր տեղադրելիս լինել զգոն հավանական հեղինակային իրավունքների խախտման նկատմամբ։ Ըստ Հայաստատնի հեղինակային իրավունքների օրենսդրության, հեղինակայի իրավունքներով պաշտպանված գործը դառնում է հանրային սեփականություն հեղինակի մահից 70 տարի անց։ Սակայն 2000 թ. օրենքով այդ ժամկետը սահմանված էր "հեղինակի մահից հետո 50 տարի", և ուրեմն մինչև 1956 թիվը վախճանված հեղինակների գործեըը դարձել էին հանրային սեփականություն մինչև 2006 թ., որոնց վրա այդ նույն թվին ընդունված օրենքը հետադարձ չի կարող գործել։ Այս պատճառով այն հեղինակի գործերը, որոնք դեռ կենդանի են կամ վախճանվել են 1956 թ. հետո, դեռ պաշտպանված են հեղինակային իրավունքներով և չեն կարող տեղադրվել վիքիդարանում։ Որքան էլ որ սա չլինի տհաճ, Վիքիմեդիա հիմնադրամի պահանջները բավականին հստակ են այս հարցում և կարող են հանդիսանալ նախագծի ջնջման պատճառ, ինչպես օրինակ եղավ ֆրանսերեն վիքիքաղվածքի հետ։

Հիմա այստեղ արդեն կան բավականին գործեր, որոնք ակնհայտ հեղինակային իրավունքների խախտում են, առջարկում եմ սրանք թողնել այստեղ (մինչև առանձին դոմեյնի բացվելը), սակայն եկեք փորձենք չտեղադրել այն հեղինակաների գործերը, որոնք վախճանվել են 1956 թ. հետո կամ դեռ կենդանի են։ Շնորհակալություն։ — Teak 19:31, 23 July 2007 (UTC)

Teak, նախ ասեմ, որ Վախթանգ Անանյանի իմ կողմից դրված ստեղծագործությունների համար ես ստացել եմ բանավոր համաձայնություն Անանյանի ժառանգներից մեկից։

Մի հարց․ երբ սովետի ժամանակ հեղինակը իր ստեղծագործությունը հանձնում էր տպագրության Սովետական ՊետՀրատին, արդյո՞ք դրանից հետո այդ գրքի հեղիանակային իրավունքները պատկանում են հեղինակին, թե՞ այն արդեն պատկանում է հրատարակչին։ Եթե այո, ապա մինչև 1956 թվականը տպագրված գրքերը տեղադրելը հեղինակային իրավունքների(այսինքն՝ հրատարակչի) խախտո՞ւմ է։ Վազգեն 23:59, 23 July 2007 (UTC)

Ողջույն Վազգեն։ Վախթանգ Անանյանի գործերի առումով ժառանգորդի բանավոր թույլտվությունը բավական չի վիքիդարանում տեղադրելու համար։ Բացի նրանից, որ կարող են լինել ուրիշ ժառանգորդներ, որոնք կարող են առարկել, վիքիդարանում տեղադրվող գործերը պետք է թույլ տան հետագա ազատ տարածում (պետք է թույլատրի կոմերցիոն և ոչ–կոմերցիոն (հետագա) տարածում)։ Այսինքն գործը այտեղ տեղադրելու համար գույքային հեղինակային իրավունքների տերը պետք է գործը հանձնի հանրային սեփականությանը կամ թողարկի GFDL–ին համապատասխանող լիցենզիայի տակ։

Սովետական ժամանակաշրջանի հեղինակային իրավունքների հարցը ունի իր բարդությունները։ Խնդիրը կայանում է նրանում, որ հեղինակները իրենց գույքային հեղինակային իրավունքներից գրավոր չէին հրաժարվում ՊետՀրատի օգտին, քանի որ չկար սրա անհրաժեշտությունը (ամեն ինչ այսպես թե այնպես պատկանում էր պետությանը)։ Սովետի փլուզումից հետո Ռուսաստանում եղել են բարձրագույն դատարանի վճիռներ, որոնք ՌԴ–յում ընդունված հեղինակային իրավունքների օրենքին հետադարձ ուժ են տվել (փաստորեն սա նշանակում է որ հեղինակային իրավունքները Սովետի ժամանակ չէին պաշտշանվում, բայց ոչ էլ ոտնահարման են ենթակա)։ Այս պատճառով ռուսերեն վիքիդարանում (և այլուր վիքիներում սովետի ժամանակաշրջանի ՌԴ–ի տարածքում ստեղծված գործերի համար) ընդունված է 1954 թ., որից առաջ վախճանված հեղինակի գործերը գտնվում են հանրության սեփականության տակ (Ռուսաստանում մինչև 2004 թ. հեղինակային իրավունքների ժամկետտը 50 տարի էր, 2004-ից հետո 70 տարի)։ Այն դեպքում երբ հեղինակային իրավունքները պատկանում են իրավական անձանց (կազմակերպությանը, ոչ թե կոնկրետ մարդու), ժամկետը որոշվում է գործի հրատարակման օրից։ Օրինակ սովետական մուլտֆիլմերի վրա հեղինակային իրավունքները պատկանում էին մուլտիպլիկացիոն ստուդիաներին և այս հեղինակայի իրավունքների ստուդիաներին պատկանելը հաստատված է դատական վճիռներով ԱՄՆ–ում։ Այսինքն, այո, հրատարակչությունն էլ (ավելի շուտ դրա իրավական ժառանգորդը) կարող է դատի տալ հեղինակային իրավունքների ոտնահարման համար։ Տպագիր հանրագիտարանները այսպիսի գործեր են, որոնց հեղինակային իրավունքնեը սովետի ժամանակ էլ պատկանում էին հրատարակչությանը, քանի որ ստեղծվում էին հրատարակչության պատվերով։ — Teak 01:05, 24 July 2007 (UTC)

[խմբագրել] Լոգո

Ավելի սիրուն լոգո կարող եք տեսնել այստեղ՝ http://petrosyan.googlepages.com/hywiki.png Եթե կան առաջարկներ կարող եմ այն ավելի փոփոխել։ Սահակ 21:50, 1 Դեկտեմբերի 2007 (UTC)

Ողջույն, Սահակ։ Ուրախ քեզ այստեղ տեսնելու... Լոգոտիպի գրառումը ես փորձել էի նմանեցնել վիքիփեդիայի լոգոի գրառմանը, ու ընտրել էի համանման ֆոնտ։ Սակայն սա իհարկե պարտադիր չէ։ Քո պատրաստած լոգոի «վիքիդարան»-ը իմ դուրը ավելի է գալիս։ Հիմա կփոխեմ լոգոները, տեսնենք ոնց է նորը նայվում։ Ի վերջո կարելի է զանազան տարբերակներ փորձել առաջիկայում, մինչև նախագիծը ուշկի գա, և ընտրել ամենահամապատասխանը։ — Teak 13:23, 2 Դեկտեմբերի 2007 (UTC)

Համաձայն եմ Սահակի հետ։ Նոր լոգոն շատ ավելի հաջող է։ Վազգեն 15:48, 2 Դեկտեմբերի 2007 (UTC)

http://petrosyan.googlepages.com/hywiki2.png նոր լոգոն է որը իմ կարծիքով ավելի մոտիկ է անգլերենին։ Ֆոնտի համար օգտագործել եմ «ԲՈԼՈՐԸՄԵԾԱՏԱՌ», նաև ֆոնտը պետք է լինի Սերիֆ, իսկ hywiki.png-ում օգտագործել էի Սանս Սերիֆ։

Փոխեցի նոր առաջարկված տարբերակին։ Կարծում այս մեկը ավելի հաջող է։ Ցանկության դեպքում կարող եք բոլոր տարբերակները դիտել Պատկեր:Wiki.png պատկերի էջում։ — Teak 15:53, 3 Դեկտեմբերի 2007 (UTC)

[խմբագրել] Կատեգորիաների մասին

Ես լավ չեմ հասկանում հեղինակների անունով կատեգորիա սարքելու իմաստը։ Օրինակ՝ Կատեգորիա:Խաչատուր Աբովյան Երբ ամեն տեքստի վերնագրում արդեն գրվում է հեղինակի անունը՝ |author =Խաչատուր Աբովյան}} Անգլերեն վիքիդարանը նույնպես երբեք չի դնում հեղինակի անունը առանջին կատեգորիայի մեջ։ Սահակ 05:17, 3 Դեկտեմբերի 2007 (UTC)

Այժմ սրա պահանջը կարող է և չլինել, սակայն հետագա զարգացման դեպքում, երբ հեղինակի բազում տարբեր ժանրերի գործեր կլինեն այստեղ, ապա կարծում եմ ռուսերեն վիքիդարանի նման ըստ այդ հեղինակի ժանրերի (օրինակ՝ Կատեգորիա:Հովհաննես Թումանյանի հրապարակախոսություններ), որոնք արդեն կտեղադրվեն հեղինակային կատեգորիաներում։ Ամեն դեպքում կրկնակի կատեգորավորումը վնասել չի կարող, բայց կարող է ահագին օգնել։ Ես ինքս ավելի նախընտրում եմ կատեգորիաներով աշխատել, քան հեղինակային էջերով (կատեգորիաներում ավտոմատիկ դրվում է այբբենական հերթականությամբ, ցույց է տրվում թե քանի գործ կա, և այլն)։ Սակայն եթե կարծիքների մեծ մասը դեմ են կատեգորիաներին, ապա սրանց հեռացումը բարդ գործ չէ, և բոտի օգնությամբ կարող է հեշտ արվել։ — Teak 16:02, 3 Դեկտեմբերի 2007 (UTC)

Ավելի լա՞վ չի լինի որ ստեղծենք նաև «արձակ», «պոեզիա», «հրապարակախոսություն» տիպի կատեգորիաներ։ Այդ դեպքում եթե ուզենանք գտնել «Հովհաննես Թումանյանի հրապարակախոսություններ»-ը ապա, պետք է ուղղակի ընտրենք «Հովհաննես Թումանյան», և «հրապարակախոսություն» կատեգորիաները։ - Սահակ 03:02, 17 Դեկտեմբերի 2007 (UTC)

Այնքան էլ լավ չեմ հասկանում թե ոնց է կարելի ընտրել և՛ «Հովհաննես Թումանյան» և՛ «հրապարակախոսություններ» կատեգորիաները։ Չեմ կարծում mediawiki ծրագիրը ունի նման հնարավորություն։ Այստեղ կատեգորիաները ուղիղ ծառ են կազմում ըստ էջերի ընդգրկման և ոչ թե թեգերի նման պիտակներ։ Կարծում եմ կարելի է նաև կատեգորավորել գործերը ըստ ստեղծագործության տիպի և այնուհետև այս կատեգորիաները ընդգրկել Կատեգորիա:Գործեր ըստ տեսակի կատեգորիայում։ — Teak 18:08, 17 Դեկտեմբերի 2007 (UTC)

[խմբագրել] Wikisourceից՝ ազատ գրադարանից

Բոլոր հայերեն էջերում գրված է «Wikisourceից՝ ազատ գրադարանից», սակայն անգլերեն տարբերակում նմանատիպ գրառում չկա։ Ինձ թվում է որ հայկականում էլ դա պետք է հանել։ Սահակ 06:34, 3 Դեկտեմբերի 2007 (UTC)

Այդ գրառումում «Wikisource»-ը շուտով կփոխարինվի «Վիքիդարան»-ով (այս փոփոխությունը կատարելու համար անհրաժեշտ է «developer acces»/shell access, և այդ փոփոխության համար արդեն հայտ եմ լրացրել)։ Անգլերենում այդ գրառությունը չկա, սակայն շատ ուրիշ վիքիդարաններում (որոնց թվում է ռուսերենը) այդպիսի գրառում կա։ Ինձ համար այս հարցը սկուզբունքային չէ, սակայն կարծում եմ պատշաճ ծանուցում է, քանի որ ի վերջո այստեղ ծավալված ամբողջ աշխատանքը կատարվում է «վիքիդարան» նախագծի ներքո։ Եթե անգլերեն «Wikisource»-ը տգեղ է երևում, ապա կարող եմ գրառությունը հեռացնել մինչև փոփոխությունը կկատարվի։ Եվ կրկին, եթե կարծիքների մեծ մասը կողմ են այդ գրառման հեռացմանը, ապա՝ կհեռացնեմ։
Հ․Գ․ կարծում եմ այս քննարկումների տեղը խորհրդարանում է, մեկնաբանությունս ավարտելուց հետո կտեղափոխեմ բոլոր քննարկումները այնտեղ։ — Teak 16:11, 3 Դեկտեմբերի 2007 (UTC)

[խմբագրել] Բոտի կարգավիճակի դիմում

Խնդրում եմ մասնակիցներին իրենց կարծիքները հայտնել և համաձայնության դեպքում՝ քվեարկել TeaykyBot-ի բոտի կարգավիճակի դիմումի համար։ Շնորհակալություն։ — Teak 00:34, 6 Դեկտեմբերի 2007 (UTC)

[խմբագրել] Նոր անվանատարածքներ

Այսօր հայերեն վիքիդարանում ստեղծվել են 4 անվանատարածքներ իրենց կցված քննարկման անվանատարածքներով.

• «Հեղինակ»
• «Պորտալ»
• «Էջ»
• «Ինդեքս»

Վերջին երկուսը Proofread Page extension-ի համար են (թույլատրում է scan արած պատկերի և OCR արված տեքստի ցուցադրումը նույն էջում)։

«Հեղինակ» անվանատարածքը նախատեսված է հեղինակների էջերի համար, ինչպես օրինակ անգլերեն վիքիդարանում։ Խնդրում եմ հայտնել կարծիքներ հեղինակների էջերը առանձին անվանատարածք տեղափոխելու մասին։ Սա նաև կհանի հեղինակային էջերը ընդհանուր տեքստերի հաշվարկից, և թույլ կտա (անգլերեն վիքիդարանի նման) տեղադրել «պատահական հեղինակ» հղում ձախ ընտրացանկում։ Ի՞նչ եք կարծում, տեղափոխե՞նք։ — Teak 02:12, 16 Դեկտեմբերի 2007 (UTC)

Կարծում եմ արժի։ Հատկապես օգտակար կլինի Proofread Page extension-ի օգտագործումը այս պրոյեկտի համար։Վազգեն 04:16, 16 Դեկտեմբերի 2007 (UTC)

Վազգեն, քո սքան արած գրքերի էջերը կարա՞ս ափլօադ անես վիքիի մեջ որ մեզ ավելի հեշտ լինի սրբագրել։ - Սահակ 02:56, 17 Դեկտեմբերի 2007 (UTC)

Բարև, Սահակ։ Մոտակա ամսվա մեջ նոր սկան արված էջեր ափլոդ կանեմ և հուսով եմ բոլոր մասնակիցների համատեղ ուժերով այն կբերենք վերջնական պատրաստ վիճակի։ Վազգեն 05:26, 22 Դեկտեմբերի 2007 (UTC)

Լավ, բոտին կդնեմ հեղինակների էջերը տեղափոխելու գործին։ Նաև կարծում եմ արժի մի համընդհանուր ոճական պայմանավորվածության գանք տեքստի ձևավորման հարցում։ Խնդրում եմ առաջարկներ անել հաջորդ ենթաբաժնում։ — Teak 18:33, 16 Դեկտեմբերի 2007 (UTC)

[խմբագրել] Տեքստի ձևավորում

Խնդրում եմ կիսվել ձեր առաջարկներով ստեղծագործությունների տեքստերի ձևավորման հարցում՝ Ոճական ուղեցույցի էջում կանոնակարգ ստեղծելու համար։ — Teak 18:33, 16 Դեկտեմբերի 2007 (UTC)

• Կարծում եմ օգտակար կլիներ ստեղծագործության տեքստի անմիջապես վերնամասում թավ մեծատառերով անվանման ընդգրկումը։ Սա թույլ կտա օգտվողներին տեքստը պատճենելուց անվանումն էլ հետը պատճենել (օրինակ տպելու կամ դպրոցական «պատի թերթում» տպագրելու համար)։ Ձևավորման օրինակ՝ Փափաք։ — Teak 18:33, 16 Դեկտեմբերի 2007 (UTC)

Այնքան էլ համաձայն չեմ այս առաջարկի հետ։ Ես հաճախ սիրում եմ տպել, կամ հենց «Տպելու տարբերակը» կարդալ։ «Փափաք»-ի դեպքում նա ունի այս տեսքը՝ http://hy.wikisource.org/w/index.php?title=Փափաք&printable=yes ինչպես տեսնում եք, եթե մեկը որոշի պրինտեռով տպել այս բանաստեղծությունը, ապա վերնագիրը երեք անգամ կրկնվում է։ Իմ կարծիքով պետք է լինի միայն մեկ վերնագիր։ Այդ իմաստով նույնիսկ անգլերեն տարբերակը իմ դուրը չի գալիս, քանի որ իրանց մոտ 2 վերնագիր է ստացվում տպելիս։ Հնարավո՞ր է այնպես անել, որ միայն մեկ վերնագիր ունենան բանաստեղծությունների և այլ ստեղծագործությունների տպելու տարբերակները։ - Սահակ 02:54, 17 Դեկտեմբերի 2007 (UTC)

Ողջո՜ւյն, Սահակ։ Համաձայն եմ, որ տպելու տարբերկում 3 անգամ անվանման հայտնվելը այնքան էլ հաճելի չէ։ Բայց երբ ուզում ես copy-paste անել ստեղծագործությունը, ապա եթե անվանումը գրված չէ ստեղծագործության հենց վերևում, այնքան էլ հեշտ չէ տեքստի պաճենումը անվան հետ միասին։ Օրինակ փորձիր պատճենել, ասենք «Մոռացված սեր» բանաստեղծությունը և տեղադրել Word-ի (կամ համանման այլ տեքստային խմբագրիչի) մեջ։ Եվ կարծում եմ շատ ու շատ օգտվողներ կուզենան նման բան անել (իրենց կայքերում, ցանցային օրագրերում կամ այլուր տեղադրելու համար)։ Եվ պատճենելու պարզությունը կնպաստի հայերեն գրականության տարածմանը ցանցում։ Տպելու տարբերակի մասին կփորձեմ պարզել. դա պիտի որ հնարավոր լինի հեշտությամբ շտկել CSS-ով։ — Teak 17:58, 17 Դեկտեմբերի 2007 (UTC)

• Առաջարկում եմ բոլոր ստեղծագործությունները տեղադրելիս օգտագործել 3em (կամ ավե՞լ) left-margin։ Համեմատեք՝ [1] և [2] (համեմատեք նաև համապատասխան տպելու տարբերակները)։
  Հ.Գ. Շնորհավո՜ր ամանոր։ — Teak 01:13, 2 Հունվարի 2008 (UTC)

[խմբագրել] Նոր ընտրացանկ-վահանակ

Ողջույն բոլորին։ Որոշ փոփոխություններ մտցրեցի ձախ կողմի գլխավոր ընտրացանկում։ Վիքիփեդիայի նման բաժանեցի այն երկու մասի՝ ըստ օգտագործման և մասնակցության։ Խնդրում եմ հայտնել կարծիքներ և առաջարկություններ թե ինչ կուզենաիք տեսնել այդ ընտրացանկում, և ինչը ձեր կարծիքով ավելորդ է։ Շնորհակալություն։ — Teak 22:23, 21 Դեկտեմբերի 2007 (UTC)

Ողջույն, Teak։ Ինձ թվում է ամեն ինչ տեղը տեղին է։ Սրբագրման հղումի ավելացումն էլ շատ տեղին է։ Վազգեն 05:22, 22 Դեկտեմբերի 2007 (UTC)

[խմբագրել] «Հեղինակ» շաբլոնը

«Հեղինակ» շաբլոնի մեջ ինձ թվում է պետք է ավելացնել «Պատկեր» նկարագրությունը։ Օրինակ՝

{{author
 |firstname      = George Walker
 |lastname       = Bush
 |last_initial   = B
 |birthyear      = 1946
 |deathyear      = 
 |description    = Forty-third and current President of the United States (2001 –   )
 |image          = George-W-Bush.jpeg
 |wikipedia_link = George W. Bush
 |wikiquote_link = George W. Bush
 |commons_link   = George W. Bush
}}

http://en.wikisource.org/wiki/Author:George_W._Bush

Սահակ 21:14, 2 Փետրվարի 2008 (UTC)

Արեցի. կաղապարի օգտագործման նոր ձևը բերված է {{հեղինակ}} կաղապարի էջում։ Այս քննարկումը կտեղափոխեմ խորհրդարան։ — Teak 05:32, 3 Փետրվարի 2008 (UTC)