Էսօր մեր փողոցով անցար — շրթերդ գինու թաս էին

Վիքիդարանից՝ ազատ գրադարանից
Jump to navigation Jump to search
Էսօր մեր փողոցով անցար — շրթերդ գինու թաս էին

Եղիշե Չարենց

Էսօր մեր փողոցով անցար — շրթերդ գինու թաս էին


Էսօր մեր փողոցով անցար — շրթերդ գինու թաս էին,
Մազերդ օսկի — աբրեշում, աչքերդ ալմաս էին:

Փողոցում կեցած մնացի՝ աչքերս պղտոր ու գինով.
Արևը խաղում էր վրեդ` հագիդ շորերը խաս էին:
Մե աչքով վրես նայեցիր, ասի թե` սիրով է էլի.
Կարմրագուն կրակի նման այտերդ կարմիր-կաս էին:

Ասի թե` ոտքերդ ընկնեմ, բայց տեղում կեցած մնացի՝
Այտերիդ կարմիր կրակին աչքերդ անմաս էին: