ՀՍՀ/Ակտիվ դիմադրություն

← Ակտինոմիցետներ

Հայկական Սովետական Հանրագիտարան

Ակտիվ լարում →

[ 231 ] ԱԿՏԻՎ ԴԻՄԱԴՐՈՒԹՅՈՒՆ, փոփոխական հոսանքի շղթայի լրիվ դիմադրության էլեկտրական էներգիա կլանող մասը։ Ա. դ. $P$ ակտիվ (կլանված) հզորության հարաբերությունն է $I$ հոսանքի գործող արժեքի քառակուսուն՝ $r=P/I^{2}$։ Հաղորդչի կտրվածքով փոփոխական հոսանքի անհամասեռ բաշխվածության (սկին էֆեկտ), մրրկային հոսանքների և հիստերեզիսի վրա ծախսվող էներգիայի պատճառով Ա. դ. մեծ է հաստատուն հոսանքի դիմադրությունից։ Ա. դ. փոփոխական հոսանքի շղթայի դիմադրությունների եռանկյան էջն է։ Ա. դ. $g$ ակտիվ հաղորդականության հետ կապված է $r=gz^{2}$ առնչությամբ, ուր $z$ շղթայի լրիվ դիմադրությունն է (տես Դիմադրության էլեկտրական շղթայի)։