Ամեն ծառ գիտե

Վիքիդարանից՝ ազատ գրադարանից
Jump to navigation Jump to search
Այս աղջիկը Վարդան Հակոբյան, Երկեր, հատոր Ա՝ Ամեն ծառ գիտե

Վարդան Հակոբյան

Հայաստան
***

Ամեն ծառ գիտե, թե որտեղ բուսնել
Իր հողի համը արմատով գիտե -
Իմ որոնածը այս ծառն է գտել,
Ամեն ծառ գիտե, թե որտեղ բուսնել։
Ուզում են երկնի ծովերին հյուսվել,
Ծառի ճյուղերը՝ խշշուն վտակներ.
Ամեն ծառ գիտե, թե որտեղ բուսնել,
Իր հողի համը արմատով գիտե։