Անծուխ կրակներ

Վիքիդարանից՝ ազատ գրադարանից
Jump to navigation Jump to search
Աչքերս ինձ խանգարում են տեսնել Վարդան Հակոբյան, Երկեր, հատոր Բ՝ Անծուխ կրակներ

Վարդան Հակոբյան

Լռության եւ խոսքի արանքում
ԱՆԾՈՒԽ ԿՐԱԿՆԵՐ


Երամը միանգամից
ստվարանում է, երբ
հավքերը միանում են
քարափների վրայով սահող
իրենց ստվերներին:

Հավատաքննիչներն
ամենուրեք
շարունակում են յուղ լցնել
սուտ ու կեղծիքի
անծուխ կրակին։

Դրախտը թափառում է
անհայրենիք։ Ես հայ
եմ, քար եմ ստեղծում։
Դժոխքի եւ դրախտի միջեւ
թափառականը երգում է.
- Բարեւ, կաղնու տերեւին
«բուսած» նախշուն
ծտաբարձիկ։