Աշուն (Հակոբ Աղաբաբ)

Վիքիդարանից՝ ազատ գրադարանից
Jump to navigation Jump to search
Աշուն

Հակոբ Աղաբաբ


Աշուն


Աշուն է...
Ամառն անցավ, եկավ աշուն՝
Խաղողի լավ ժամանակ,
Թեև տեսքով շատ չէ նախշուն,
Բայց՝ պտղաբեր եղանակ։

Նախշուն է...
Մեկ էլ տեսար՝ արև կանի,
Խառնաշփոթ եղանակ,
Հանկարծ, մեկ էլ անձրև կանի
Մի քանի օր շարունակ։

Ջա՜ն, ջա՜ն, ջա՜ն...
Ամբարները լիքը ցորեն,
Գարին առատ, գինին շատ,
Տես, բոլորը ոնց ուրախ են,
Տարին կանցնի անարատ։