Առաջին ձյունը

Վիքիդարանից՝ ազատ գրադարանից
Jump to navigation Jump to search
Գրիչ Առաջին ձյունը

Հովհաննես Թումանյան

Ծիտիկի օրորքը


ԱՌԱՋԻՆ ՁՅՈՒՆԸ


― Վա՜յ, մայրի՛կ ջան, տե՜ս,
Բակն ու դուռը լի
Ինչքա՜ն սպիտակ
Թիթեռ է գալի...

Էսքան շատ թիթեռ
Չեմ տեսել ես դեռ։
― Չէ՛, իմ անուշիկ,
Թիթեռներ չեն էտ.
Թիթեռներն անցան

Ծաղիկների հետ։
Էտ ձյունն է գալի,
Փաթիլն է ձյունի,
Որ կարծես սպիտակ
Թիթեռնիկ լինի։


1907