Աստղերի հետ

Վիքիդարանից՝ ազատ գրադարանից
Jump to navigation Jump to search
Դերասան Ադամյանի մահը Աստղերի հետ

Հովհաննես Թումանյան

«Երբ խոսում էիր, պատմում էիր ինձ...»


ԱՍՏՂԵՐԻ ՀԵՏ


Էյ աստղե՜ր, աստղե՜ր,
Երկնքի աչքեր,
Որ այդպես վառ-վառ
Ժըպտում եք պայծառ․

Ժըպտում էիք դուք,
Երբ ես դեռ մանուկ
Աշխույժ ու կայտառ,
Ձեզ նման պայծառ
Թըռվռում էի

Ու ցավ չունեի...
Ժըպտում եք այսօր,
Երբ թույլ ու անզոր,
Կորած հույսերիս
Կըսկիծն եմ լալիս․․․

Կըժպտաք նաև
Շիրիմիս վերև...


1891