Բռնակալին

Վիքիդարանից՝ ազատ գրադարանից
Jump to navigation Jump to search
Բռնակալին

Գուսան Շերամ


Բռնակալին


Սուրը արյունոտ, ճակատը քրտնած,
Ինչպես Գաբրիել, քաջը որոտաց,
― Լպի՛րշ բռնակալ, մինչև ե՞րբ այսպես
Անմեղ արյունով սար ու ձոր ներկես:

Բազուկներս պիտ պարզենք
Տիրա՜ն, քո ոսկե գահին,
Ու խորտակել մինչ դժոխք,
Մատնել անշեջ կրակին:

Գոռոզ գարշելի, գիշատի՛չ գազան,
Անգո՛ւթ բռնակալ, դու մայր չարության,
Հերիք է այսքան արյուն ու արցունք
Քամես անողոք խեղճից օրնիբուն:

Գնա, ջնջվի՛ր հավիտյան,
Հետքդ անգամ չմնա,
Եվ քո ցանած չար սերմեր
Թող աշխարհից վերանա:

Դու չես սարսափում գոնե մի վայրկյան,
Թե մի օր փշրի ստրուկի շղթան
Եվ քո ոսկեկուռ գահից մինչ դժոխք
Գլորանկ լինես ստրուկի ձեռոք:

Թող չքանա սուրբ երկրից
Քո զազրելի չար հոգին,
Եվ ազատվի թշվառներ,
Փայլի արև մեզ անգին:


1904