Գարուն է

Վիքիդարանից՝ ազատ գրադարանից
Jump to navigation Jump to search
Գարուն է

Հակոբ Աղաբաբ


Գարուն է


Գարուն է...
Չարաճճի մանուկի պես
Արևն է միշտ ժպտերես,
Սարն ու դաշտը կանաչազարդ
Բացվել է և կարմիր վարդ։

Սիրուն է...
Նախշուն ծտեր հազար ու բյուր
Չորս կողմից են եկել հյուր,
Թիթեռնիկներ, ճանճ ու բզեզ՝
Թռչկոտում են ուր կուզես,
Ջան, ջան, ջան,
Պարտեզների բոլոր ծառեր,
Ծաղիկներ են բաց արել,
Շուտով կգա կարմիր ամառ՝
Միրգ կբերի մեզ համար։