Գիշերն իջավ սև ու չարաչք
(Վերահղված է Գիշերն իջավ սև ու չարաչք...ից)
* * *
Գիշերն իջավ սև ու չարաչք.
Լինենք խաղաղ, մեղմ աղոթենք,
Գուցե բացվի լուսե հրաշք,
Գուցե անցնի խավարակուռ
Մշուշն այս չար և ազատվենք —
Լինենք մանուկ, լինենք մաքուր.
Մեր սրտերում պահենք մի հուր,
Խաղաղ մի լույս խավարում չար,
Գուցե բացվի զնդանն անդուռ.
Օրհնենք բոլորն ինչ էլ որ գա
Եվ ընդունենք սրտով հոժար,
Գուցե և Նա մեր ցավն զգա…
1917