Երբ ես հիշում եմ Ձեզ

Վիքիդարանից՝ ազատ գրադարանից
Jump to navigation Jump to search
Երբ ես հիշում եմ Ձեզ

Եղիշե Չարենց


Երբ ես հիշում եմ Ձեզ


Երբ ես հիշում եմ Ձեզ —
Հավատացե՛ք, որ ինձ
Համակում է մի հեզ
Ու մեղմահոս թախիծ:
Սիրում է սիրտս բիլ,
Երազանքով անհույս,
Կաթի՛լ — կաթի՛լ խմել
Տխրությունը Ձեր լույս:
Օրերում այս հրե,
Հորձանքներում վարար,
Երբ որ ամեն քարի
Զարնվում է մի քար —
Հեռուներից Ձեր կույս
Թող շիթ առ շիթ սուրա
Տխրությունը Ձեր լույս՝
Վառվող հոգուս վրա:


Երևան, 1920, II