Երգ ի դիմաց Հայաստանի
Երգ ի դիմաց Հայաստանի
Մերժի խաւարն աղջամղջին
Եւ արհաւիրք գիշերային.
Հնչէ հողմիկ հանդարտ գոլով.
Տերևս տնկոց տատանելով։
5
Ահա՛ վառեալ գայ յերևան,
Այդ վարդամատ առաւօտեան,
Եւ ըզնշոյլ ճաճանչարձակ
ԾագԷ յաշխարհ սուրբ արեգակն։
Յառնեն թռչնակք ուրախ, զըւարթ,
10
Քաղեն զծաղիկըս առ ի զարդ.
Ի աւաչ բարձեալ հնչեն գողտրիկ
Յերգս ի բերան ոսկեղինիկ։
Սոխակ սիրուն կարկաչաձայն
Երգէ, խօսի ի վարդս բուրեան.
15
Յայսկոյս թռչի, յայնկոյս ճախրէ,
Յոստոց ի յոստս տոփմամբ կայթէ։
Չքնաղ մանկունք զըւարթադէմ
Առ սիրելի ծնողս ճեպեն,
Ի ի տղայական լեզու թոթով
20
Կանչեն «մայրի՜կ» համբոյրս տալով։
Միայն թողեալ զաւակք Հայկեան
Զիս՝ յետս խուսեն փախստական,
Զորս սնուցի ես մայրաբար
Կաթամբ իմով մաքուր, արդար։
1858