Երկու ուրվական

Վիքիդարանից՝ ազատ գրադարանից
Jump to navigation Jump to search
Դառն օրերի տառապանքում սրտմաշուկ Երկու ուրվական

Վահան Տերյան

Մռայլ գիշերն է լռում


ԵՐԿՈՒ ՈՒՐՎԱԿԱՆ



Ես եմ, դու ես, ես ու դու
Գիշերում այս դյութական,
Մենք մենակ ենք,— ես ու դու
Ես էլ դու եմ՝ ես չըկամ…

Չըկան օրերն ահարկու,
Չըկա ժամ ու ժամանակ,
Ուրվական ենք մենք երկու
Միշտ իրար հետ, միշտ մենակ…

Մոռացել ենք անցյալում
Տրտունջ, թախիծ ու խավար. —
Մի ուրիշ լույս է ցոլում
Մեղմ ու անուշ մեզ համար…

Ես եմ, դու ես, ես ու դու
Գիշերում այս դյութական,
Մենք մենակ ենք — ես ու դու,
Ես էլ դու եմ՝ ես չըկամ…