- Մակագրություն.Արմենակին. Սիրունի գործերը քննուա՞ծ են, ինչ եզրակացութեան եկաք: Արամ
- ՀԱԱ, ֆ. 242, ց. 1, գ. 1, թ. 3, բնագիր, ձեռագիր:
N 124
ԱՄԵՐԻԿՅԱՆ ՄԻՍԻՈՆԵՐ ՅԱՐՈՅԻ ԳՐՈՒԹՅՈՒՆԸ Ա. ՄԱՆՈՒԿՅԱՆԻՆ՝ ՀԻՎԱՆԴԱՆՈՑԻ ԿԱՐԻՔՆԵՐԻ ՀԱՄԱՐ ՄԻ ՔԱՆԻ ՈՉԽԱՐ ՏՐԱՄԱԴՐԵԼՈՒ ԽՆԴՐԱՆՔՈՎ
Պատուարժան Տիար Արամ
Կառավարիչ Վանի շրջանի
- Սիրելի Տէր:
Կը լսենք, թէ հազարաւոր ոչխարներ վարուած են Անդրանիկ Փաշայի կողմէ ցրուելու համար կարօտեալներու և ժողովրդեան: Ուստի կը խնդրեմ, որ մաս մˈալ յատկացընէիք հիւանդանոցին համար, որը հիմա կը հոգայ բաւական խոշոր թիւով հայ կամաւորներ և ռուսական զինւոներ և բաւական դժուարութիւն կը քաշենք կերակուր գտնելու նոյնիսկ ամենաբարձր գնով:
Հիւանդանոցի հիւանդները առնուազն օրական մէկ ոչխար կուտեն, եթէ մէկ-երկու հարիւր ոչխար կրնար հիւանդանոցի յատկացուել, այն և ատեն շատ դիւրաւ կարելի կըլլար հիւանդներու և վիրաւորներու կերակուր հայթայթել մինչև յաջորդ աշուն: Նոյնիսկ եթէ լաւ ըլլան կրնանք գարգացընել և բարելաւել պահելով իբր մնայուն սնունդի աղբիւր:
Անկէ զատ նաև ունենք մեր շրջանակին մէջ 1000-է աւելի իսլամ ապաստանեալներ, որոնք օրական 5 ոչխարի պէտք ունեն, մօտաւորապէս 150՝ ամիսը: Քանի որ անոնք իրենց բոլոր ունեցածներէն կողոպտըուած են հայելու կողմէ ի վրեժխնդրութիւն օսմանեան կառավարութեան չարաչար վերաբերումին համար, և որոնք դեռ չեն կրնար ապահով կերպիւ դառնալ իրենց տեղերը, ուր որ առ կամ ան կըլլային, ըստ այսմ կը խնդրենք տեղական կառավարութենէն օգնելու մեզի ասոնց առողջութիւնը պահելու և կերակրելու գործին մէջ: Եթէ հօտ մէ ոչխար մեզի տրամադրելի կրնար ըլլալ, շատ երախտապարտ պիտի ըլլայինք: Կիներէն և տղայներէն շատեր կը չարչարուին և կը մեռնին պարզապէս սնունդի պակասութենէն:
Խոնարհաբար Ձեր խղճամիտ քննութիւնը կը հայցենք այս ամենա արգահատելի վիճակին:
- Մակագրություն. Թէոս124 աղային գրուեցաւ, որ 10 հատ ոչխար տայ հիւանդանոցին: