կարծիք ունին, որ պէտք չէ տեղափոխուիլ: Ազգ[ային] Խորհ[ուրդը] նոյնիսկ արգիլած է այդ, իսկ Հայաս[տանի] Ապահով[ութեան] Խորհուրդը չուզեր խոչընդոտ հանդիսանալ:
Արամ․- Խօսքը Թիֆլիսի Խորհուրդներու մասին է: Նամակներ կան, թէև մասնաւոր, որով կը յայտնեն թէ Հայաս[տանի] Ապահով[ութեան] Խորհուրդը սկզբունքով համաձայն է տեղափոխութեան և Խորհրդակցութիւնը հրաւիրուած է այդ ծրագրին սանկցիա տալու նպատակով և որ Հայաս[տանի] Ապահով[ութեան] Խորհուրդի անդամները տեղափոխութեան և շտապելու մասին հրապարակով յայտարարելէ չեն քաշուիր:
Հետաքրքիր է․ Խորհրդակցութեան օրակարգելու մէջ անցուած է այդ հարցը: Յայտնեցէք այսօրուայ նորութիւններու մասին: Երևանի պատգամաւորները հասան թէ՛ ոչ: Երկրի զինւորներու ընտանիքներում ե՞րբ պիտի դրամ ղրկէք:
Աւ. Թէրզիպաշեան.- Խորհրդակցութեան օրակարգերն են՝ 1) հաշտութեան հարցն ու թուրքահայերու վերաբերմունքը, 2) Մեր զօրամասերու վերակազմութեան խնդիրը, 3) Թուրքահայութեան ֆիզիքական գոյութեան հարցը:
Երևանի պատգամաւորութիւնը հասեր է հոս: Այս րոպէին Խորհրդակցութիուն նիստ ունի՝ 54 պատգամաւորներու մասնակցութեամբ: Վաղը դրամ կը ղրկենք գինւորներու ընտանիքներու համար:
Դուք գիտէք, թէ ինչ նշանակութիւն և արժէք ունին մասնաւորներէն ստացուած նամակները:
Հաշտարար պատգամաւորութիւնը արդէն հասած է Բաթում. սակայն առայժմ այնտեղէն տեղեկութիւններ չկան, ստանալուս՝ պարբերաբար կը հաղորդէնք: Գերմանացիները գրաւած են Նովորոսիյսկը: Այսօր հոս լուր տարածուած է, որ անգլիական զօրքը հասած է Պարսկաստան, դուք ոչինչ գիտէք այդ մասին:
Արամ․ - Պարսկաստանի հետ կապը կտրուած է Լ. Մուշեղեանի սպանութիւնէն ետք: Առայժմ ցտեսութիւն:
Աւ․ Թէրզիպաշեան. - Երեք ամիս է, որ ես կուզէի ընտանիքս փոխադրել հոս. երկու անգամ խնդրեր եմ ձեր աջակցութիւնը, այժմ ալ կը խնդրեմ, բայց այդ պարագան Հիւս. Կովկասը փոխադրելու հետ կապուած չէ: Երբեք այդ մասին չեմ մտածեր: Ես միայն կը ցանկանայի այս օրերում ընտանիքիս հետն ըլլալ։ Կը խնդրեմ հաղորդել եղբօրս և կարգադրել, որ անոնք հոս փոխադրուին:
Արամ․- Կաշխատեմ, առ այժմ ցտեսութիւն:
Աւ․ Թէրզիպաշեան.- Հաղորդեցէք Լ. Մուշեղեանի սպանութեան մանրամասնութիւնները և Երևանի ու նահանգի մասին տեղեկութիւններ:
Արամ.- Մանրամասնութիւններ չկան առայժմ: Երևանը հանգիստ է:
- «Աշխատանք», 8 մայիս (25) 1918 թ.:
