Այս էջը հաստատված է
285. ԳՅՈԻՏ ԱՂԱՆՅԱՆԻՆ
Արժանապատիվ Գյուտ ա<վագ>, քահանա Աղանյան
<1918, հուլիսի 19, Թիֆլիս>
Սիրելի տեր Գյուտ հայր,
Որդուս ձեռքով մի հարյուր ռուբլի եմ ուղարկում։ Խնդրում եմ մեր ընկերության կողմից (գրողների) Գալուստ Տեր֊Մկրտչյանի՝ Միաբանի համար հոգեհանգիստ նշանակեք կիրակի օրը, հայտարարություն տաք և կարգադրեք։
Ձեր Հ. Թումանյան
Ուրբաթ
286. ԳՅՈԻՏ ԱՂԱՆՅԱՆԻՆ
<1918, հուլիսի 20, Թիֆլիս>
Սիրելի տեր Գյուտ,
Ոմանք կարծում են շատ ավելի հարմար Է, որ վաղը հոգեհանգստից հետո բոլոր ընկերությունների և թերթերի ներկայացուցիչներին հրավիրենք խորհրդակցության՝ հենց մոտիկ Թանդոյան եկեղեցու դպրոցի դահլիճը։ Էսօր շատերը չեն կարող։ Եվ Էս մասին պետք Է հայտարարել վաղվա թերթերում։
Բարեգործական ընկերության նախագահը խնդրում Է իրենց Էլ դնեք մահազդի մեջ։ Ես հետո կանցնեմ մոտդ, մի ժամից կամ երկու։
Քո Հ. Թումանյան
