Էջ:Թումանյանի ԵԼԺ հ7.djvu/589

Վիքիդարանից՝ ազատ գրադարանից
Jump to navigation Jump to search
Այս էջը սրբագրված է


Հովհաննես Թումանյանի երկերի լիակատար ժողովածուի 7-րդ հատորն ամփոփում է հեղինակի 1913-1922 թթ. գրած քննադատական և հրապարակախոսական հոդվածները, ելույթներն ու ելույթների՝ մամուլում հրապարակված վերաշարադրանքները։

Հրապարակվող նյութերի համար հիմք են ծառայել հեղինակի կենդանության օրոք մամուլում տպագրված հոդվածները, ինչպես նաև Ե. Չարենցի անվան գրականության և արվեստի թանգարանում ու Թումանյանի թանգարանում պահվող ինքնագրերը։ Ներկայացվում են նաև ցարդ անտիպ նյութեր։

Նախորդ հրատարակությունները՝ «Թումանյանը քննադատ» ժողովածուն, 1940-1959 թթ. հրատարակված երկերի ակադեմիական հրատարակության IV և VI հատորները, որոնցում տեղ է գտել Թումանյանի քննադատական և հրապարակախոսական ժառանգությունը, լիակատար չեն, իսկ դրանցում զետեղված նյութերը տպագրվել են բազմաթիվ կրճատումներով և խմբագրական միջամտություններով։ Ներկայացվող հատորը լիակատար է և անաղարտ։

Հատորում օգտագործված են հետևյալ համառոտագրությունները։

ԳԱԹ-Ե. Չարենցի անվան գրականության և արվեստի թանգարան

ԹԹ-Թումանյանի թանգարան

ԵԺ II-Հովհաննես Թումանյան, Երկերի ժողովածու վեց հատորով, (1940—1959), հ. II

ԵԺ IV-Հովհաննես Թումանյան, Երկերի ժողովածու, հ. IV

ԵԺ V-Հովհաննես Թումանյան, Երկերի ժողովածու, հ. V

ԵԺ VI-Հովհաննես Թումանյան, Երկերի ժողովածու, հ. VI

ԹԺՀ-Թումանյանը ժամանակակիցների հուշերում, տեքստը պատրաստեց և ծանոթագրեց Լ. Կարապետյան, Երևան, 1969

ԹՔ-Թումանյանը քննադատ, կազմեց և խմբագրեց Ն. Թումանյան, Երևան, 1969

ՀՀ-Հայկական սովետական հանրագիտարան, 1—13, Երևան, 1974—1987

ՈւՀ 2-Թումանյան, Ուսումնասիրություններ և հրապարակումներ, հ. 2, Երևան, 1969

ԹՖ-Թումանյանի Ֆոնդ