Էջ:Լetter, Toros Toramanyan.djvu/540

Վիքիդարանից՝ ազատ գրադարանից
Jump to navigation Jump to search
Այս էջը հաստատված է


պետական պատմական թանգարանի համար ձեռք բերել իրենց ծննդավայրի՝ Շապին Գարահիսարի տարազը՝ զգեստներ, զարդեր և մի քանի այլ կենցաղային իրեր։ Հյուսիսյանը այդ խնդիրը կատարել է։

2․ Էնթարի— կանացի շրջազգեստ առանց օձիքի, երկար թևերով, փեշը երեք ճյուղանի, երկարությունը՝ ծնկերից ներքև:
3. Շալվար— զգեստ երկու սեռի համար։ Շատ լայն, փոխկերի բերանները հավաքված և կողքերը ոսկե թելով բանված, իսկ տղամարդկանցը՝ երիզով զարդարված։
4․ Կլտր— զգեստ երկու սեռի համար, առանց օձիքի, կուրծքը մինչև գոտկատեղը բաց և եզրերը ոսկե թելերով ասեղնագործված։ Հագնում են էնթարու և ելակի վրայից:
5․ Թարապուլուս գոտի— մետաքսյա, զոլավոր գործվածք 2×0,3-0,4 մետր չափերի, երկու եզրերը ծոպավոր։ Ծալում են եռանկյունի և փաթաթում մեջքին, ծոպավոր անկյունը հետևի կողմից կախված։
6. Քեման— ջութակաձև երաժշտական գործիք, նվագում են ծնկի վրա։
7. Գլխի հարդարանք մետաքսյա կտորով փաթաթված շրջանաձև մետաղալար, ճակատի մասը ծածկված երեք շարք զարդադրամներով, ականջների մոտ համեմատաբար խոշոր։ Դրվում է գլխին և վրայից հագցվում տափակ ֆես։
8. Ճակտի մարգրիտ — մարգարիտներ, որոնք կարվում էին ֆեսի վրա մեկընդմեջ ջավսայով խառը։
9. Ճտի ղստի— մեկից երեք շարք զարդադրամներ, կարված թավիշի վրա և բոլորը միասին ամրացված ոսկե շղթայի վրա, գործածվում էր իբրև վզնոց:


213. ԹՈՐՈՍ ԹՈՐԱՄԱՆՅԱՆԻՆ

(էջ 367)

Բնագիրը՝ Թ. Թորամանյանի արխիվում, նրա ժառանգների մոտ։ Տպագրվում է առաջին անգամ։

  1. Թորամանյանը ուներ երկար տարիներ չբուժված խրոնիկ բնույթի սրտի լայնացում։ Մահվան նախորդ տարին այդ հիվանդությունը ընդունեց սուր բնույթ և զուգորդվելով շնչահեղձության նոպաների հետ, 70-րդ տարվա շեմին (1934, մարտի 1) վերջ դրեց նրա կյանքին։
  2. Նկատի ունի հայ ճարտարապետության վերաբերյալ նյութերի մշակումը, եզրակացությունների գրի առումը և դրանց մաս առ մաս հրատարակումը։
  3. Խոսքը ՀՍԽՀ լուսժողկոմի կուլտուր-պատմական ինստիտուտի մասին է։
  4. Նկատի ունենալով Թորամանյանի առողջական վիճակը, կարելի է ասել, որ նա Չոպանյանի խնդիրը չի կարողացել կատարել։
  5. Տե՛ս 75-րդ նամակի № 1 ծանոթությունը։


214. ՍԵՆԵՔԵՐԻՄ ՏԵՐ-ՀԱԿՈԲՅԱՆԻՆ

(էջ 368)

Բնագիրը՝ ՀՍՍՀ Մաշտոցի անվան մատենադարանում։ Տպագրվում է առաջին անգամ։

  1. Տե՛ս 143-րդ նամակի № 2 և № 1 ծանոթությունները։