Այս էջը սրբագրված է
Բագուի նահանգին (892,000 հոգի՝ 1,275,000 ընդհանուր թիւէն) եւ Գանձակի նահանգին մէջ (1,275,000 ընդհանուր բնակչութեան թիւէն 783,000):
Վրացիներն ալ բացարձակ մեծամասնութիւն էին Քութայիսի եւ Թիֆլիսի նահանգներուն մէջ։ Առաջինին մէջ անոնց թիւը կը հասնէր 992,931ի (նահանգի ընդհանուր բնակչութիւնը կը հաշուէր 1,034,411 հոգի), իոկ երկրորդին մէջ՝ 1,473,308էն 580,957ը վրացիներ էին։
Պատկերը աւելի ցաւալի կը դառնայ, եթէ Կովկասի ազգաբնակչութիւնը բաժնենք ըստ գաւառներու: 47 գաւառներէն միայն վեցին մէջ հայերը մեծամասնութիւն էին։
Բնորոշ է այն փաստերը, որ Հայաստանի մայրաքաղաքի շուրջը, Երեւանի գաւառին մէջ, հայ ազգաբնակչութեան թիւը հաւասար էր թուրք ազգաբը—
