գուշացուցած էին ցարը երկրի քաոսային վիճակի մասին եւ մատնանշած Կովկասի Փոխարքան, որպէս կարող մէկը փիրկելու կացութիւնը։
Իշխան Լվովը աւելցուց, որ իր ծրագիրը կը բաժնեն երկրի բոլոր խաւերը եւ որ ժամանակը հասել է գործելու:
Ներկայ եղողներս հաւանութիւն տուինք ծրագրին։ Պէտք էր սակայն, այս մասին յայտնել իրեն՝ մեծ իշխան Նիոլայ Նիկոլայեւիչին։ Ժողովականները, մտածելէ ետք, որոշեցին այդ նուրբ գործը յանձնել ինձ։ Ես ընդունեցի առաջարկը։
Ամբողջ 10 տարի լինելով Թիֆլիսի քաղաքագլուխ եւ շարունակաբար տեսակցութիւններ ունենալով Փոխարքայի հետ, ես կարողացած էի կոմս Վորոնցով–Դաշկովի կատարեալ վստահութիւնը վայելել, խօսելով անոր հետ միանգամայն անկեղծօրէն քաղաքական բոլոր տեսակի խնդիրներու մասին։ Թողելով կովկասը, կոմսը ինձ ըսաւ, որ ճանապարհին պիտի հանդիպի Նիկոլայ Նիկոլայեւիչին եւ պիտի խնդրէ անկէ, որ մեծ իշխանն ալ իր հերթին վստահութիւն ունենայ ինձ հանդէպ։ Իր այդ որոշումը կոմսը կատարեց։ Նիկոլայ Նիկոլայեւիչը, երբ առաջին անգամ ընդունեց զիս իր մօտ, ըսաւ, որ կոմսը խօսած է իրեն իմ մասին։ Խնդրեց, որ իր հետ ըլլամ անկեղծ եւ խոստացաւ, որ ինքն ալ նոյնպէս պիտի վստահի ինձ։ Հետագային ես համոզուեցայ, որ Նիկոլայ Նիկոլայեւիչը անկեղծ էր իր խոստումներուն մէջ:
Ես պայմանաւորուեցի իշխան Լվովի հետ, թէ ինչ
