17 — ԱԻՇԱՐԵԱՆ ԳՐԻԳՈՐ (1916)։ Ռուսահայ է եւ ծնած Բագու: Աւարտած է Ռուսական գիմնազիոն եւ ստացած զինուորական կրթութիւն։ Իսկական անձնուէր հայրենասէր մը՝ օժտուած ռազմագիտական բարձր կարողութիւններով։ Կամաւորական 6րդ գունդի հրամանատար։ Բասէնի դաշտին մէջ մղուած ճակատագրական կռիւին ընթացքին հերոսաբար կիյնայ՝ ապահովելով իր գունդին յաղթանակը։ Հնչակեանները կը փորձեն զինք ներկայացնեւ հնչակեան կուսակցական։
18 — ԱՖՐԻԿԵԱՆՆԵՐ։ Թիֆլիսի հայ մեծահարուստ ընտանիքներէն:
19 – ՓԱՓԱԶԵԱՆ ԱՐՏԱՇԷՍ (բժ.), (Շուշի, 15 Նոյ. 1886 — Թեհրան, 1 Օգոս. 1959)։ 1915ին, նորաւարտ երիտասարդ բժիշկ։ Դաշնակցական եւ հասարակական գործիչ։ Հայաստանի Հանրապետութեան շրջանին վարչապետ Ալ. Խատիսեանի դահլիճին անդամ, իբրեւ խնամատարութեան նախարար։ Հայաստանի խորհրրդայնացման ատեն կը բանտարկուի եւ, ապա, ազատ կարձակուի եւ կանցնի Թեհրան, ուր եւ կը մնայ մինչեւ իր մահը։ Արտօնատէրը՝ Թեհրանի «Ալիք» օրաթերթին։ 1 Օգոստոս 1959ին, սրտի
