Հանրապետութեան շրջանին Հանրային կրթութեան եւ Արուեստի նախարար: Հիմնադիր՝ «Արշալոյս» թերթի (Թիֆլիս)։
117 — ՄԵԼԻՔ–ԱԶԱՐԵԱՆ, ԱՂԵՔԱԱՆԴՐ ( 1920-21)։ Բնիկ Ղարաբաղցի (ծածկանունը՝ Աղեքսանդը Ագաֆոնովիչ)։ 19րդ դարուն, Թիֆլիսի հայ մեծահարուստներէն։ Ծերենցի (բժիշկ Շիշմանեան) միակ աղջկան ամուսինը։ Վրաստանի մէջ Ճիհադուրիի կամ Ջիատուրիի մանկանէզի եւ Ղափանի պղինձի հանքերու սեփականատէրը։ Նախագահ՝ Հայոց Ազգագրական Ընկերութեան։ Համակիր իր քրոջորդիին՝ Աւետիս Նազարբէկեանի հիմնած հնչակեան կուսակցութեան։ Աւելի ուշ՝ Հ. Յ. Դաշնակցութեան: 1920–21ին, դարանակալ կերպով կը սպաննեն զինք իր տան մէջ։ Բացի նիւթական օժանդակութենէն (Ս. Դ. Հ. Կ. ին), գործօն մասնակցութիւն բերաւ հայ յեղափոխական շարժման մէջ։ Զուտ ընտանեկան պատճառներով հեռացաւ Հնչակեան կուսակցութենէն։ 1908 թւին, դաշնակցութեան դէմ հալածանքի ընթացքին ձերբակալուեցաւ: Մէկ միլիոն արժողութեամբ (ռուբլի) իր բնակարանը նուիրեց Հ. Հանրապետութեան։ Յիշեալ շէնքն ալ, հայ ժողովուրդի միւս
