ՔԱՂԱՔԱՊԵՏԻ ՄԸ ՅԻՇԱՏԱԿՆԵՐԸ
ՆԱԽԱԲԱՆ[1]
1807 թուականին, ես աւարտեցի ռուսական համալսարանը եւ ստացայ բժիշկի տիտղոսը, իսկ 1900ին, վերջացնելով համալսարանական կրթութիւնս Պերլինի եւ Փարիզի մէջ, ուր գնացել էի կատարելագործուելու համար, վերադարձայ Թիֆլիս, ուր 100 տարիէ աւելի բնակուել են իմ նախնիքները:
Թիֆլիսը իմ հայրենիքս էր։ Մեր ընտանիքի անդամները, ինչպէս հօրս, այնպէս ալ մօրս կողմէն (ծնեալ Ղամբարեան) ամբողջ Կովկասի մէջ վարել են պատասխանատու պաշտօններ՝ որպէս դատախազներ. պետական կալուածքներու կառավարիչներ, պետական դրամատան վարիչներ եւայլն։
Այն ատեն, 22 տարեկան էի եւ միակ ձգտումս էր նետուել հասարակական ասպարէզ։ Նոյն թւին, ընտրուեցի Թիֆլիսի Քաղաքային Խորհուրդի անդամ, մտայ հայ կրթական եւ բարեգործական վարչութիւններու մէջ եւ սկսեցի յօդուածներ զետեղել պարբերականներու մէջ։
- ↑ Ենթախորագիրը աւելցուած է մեր կողմէ։
