Էջ:Armenian classical poetry vol 1.djvu/76

Վիքիդարանից՝ ազատ գրադարանից
Jump to navigation Jump to search
Այս էջը հաստատված է


ՍՏԵՓԱՆՈՍ ՍԻՒՆէՑԻ
(մոտ. 688-735)

***

Ճառագայթ փառաց հօր որդիդ միածին,
Որ զլոյսդ անվայրափակ մարմնով պարագրեալ՝
Այսօր ի Թաբօր փառօք փայլեցեր։

Որ անտես սրովբէիցն անհաս ի վեր քան զբան,
Ծառայի կերպիւ պարածածկեալ զլոյսդ անըստուեր,
Այսօր ի Թաբօր փառօք փայլեցեր։

Որ հրեղինացն անմերձենալի հուր աստուածութեանդ
Ի հողեղէնս խոնարհեալ լոյսդ արփիական,
Այսօր ի Թաբօր փառօք փայլեցեր։

***

Նահատակք յաղթողք քաջք ի մարտի,
Երանելի սուրբ մարտիրոսք,
Որք վանեալ ըզթշնամին խորտակեցիք։

Հրեշտակաց դասքն տօնակից են մեզ,
Եւ ջոկք աթոռոցն զուարճացեալ բերկրին
Ընդ վարդագոյն ձեր հեղումն արեան,
Որք վանեայ զթշնամին խորտակեցիք։

Անթառամ պսակն ձեզ աւանդեայ մնա,
Քան զականս պատուականս՝ գերագոյն հրաշիւք,
Որք վանեայ զթշնամին խորտակեցիք։