— Պնդողական դեղ առնելու տեղ լուծողական պիտի առնե, որ ամենեն աժան է։
ԹՎԱԲԱՆԱԿԱՆ
— Ամիսը հարյուրին երկու տոկոսով 30000 ոսկին տարին քանի ոսկի շահ կը բերե։
— 2-ով բազմապատկենք նե 60,000 ոսկի կը բերե։
— Սխալեցար, փորձը ըրե, որ գործողությունը շտկես։
— Կը ներես, մյուսյու, մյուս օր 2 հոգի ասոր փորձը ըրեր շիտակ գտեր են։
— Հասկցա, վճարելու միտք չունենալնուն համար 120,000 ալ խոստացեր են։
ՊԱՏԿԵՐՀԱՆԱԿԱՆ
— Բերսաբե, ինչո՞ւ համար աս հրեշտակին քիթը ուռած գծեր ես։
— Բնական ըլլալու համար, քանզի դպրոցնիս նեմ է, կրնա ըլլալ, որ նեվազիլ եղած ըլլա։
ԱՍՏՂԱԲԱՇԽԱԿԱՆ
— Մայիս ամսո մեջ ժամը քանի՞ին արևը իր միջօրեին վրա պիտի գտնվի։
— Այս մեկ տարվա մեջ ուղիղ ժամացույց և օրացույց չգտնվելու համար հավանական է, որ Պուրսա գացող դերասանաց փորերնին անոթցած ատեն արևը իր միջօրեին վրա պիտի գտնվի։