<4>
— Տոքթոր, գլխուս ցավուն համար ծով մտիր ըսեր էիր, ես ալ մտա, և հիմա եկա հարցունելու, թե ծովը աղեկ եկե՞ր է ինձի, թե չէ։
— Գլխուդ ցավն ինչպես է, չիյտե՞ս կոր։
— Դուք բժիշկ եք, որչափ ըլլա նե՝ ինձմե աղեկ գիտեք։
— Ձեզմե աղեկ գիտեմ նե՝ գլխուդ ցավն անցած է, բայց քիչ մը ուղեղդ վնասված է։
⁂
— Մասիս ինչո՞ւ համար լրագրի մը տված լուրը երկու օր ետքը կուտա։
— Որպեսզի կարդացածնիս չմոռնանք։
⁂
— Հիվանդնիդ ի՞նչպես եղավ։
— Առաջվան պես է, բոլոր գիշերը չքնանար, մինչև առտու կը հազա։
— Հազալո՞ւն համար չքնանար կոր, չէ նե՝ չքնանալուն համար կը հազա կոր։
— Հայտնի է, որ չքնանալուն համար կը հազա կոր, քնացող մարդը կը հազա՞։
— Քնանալու համար այնչափ դեղ տվի, օգուտ մը չըրա՞վ։
— Չըրավ։
— Բնա՞վ չքնանար կոր։
— Ամենևին։
— Անանկ է նե՝ սվիկա Ուսումնական խորհրդո անդամ ընել տվեք։
— Ասիկա մենք ալ խորհեցանք ամա, կը վախնանք կոր որ ան ատեն ալ բնավ չարթննար։