Սրտացելոյն 30
Վառեն զճակատ և հնչէ
Եղբորորդւոյն
Քնար, ՚ւ աղաւնեակն զի՜ մնչէ…
Եւ ի թաւուտս
Սաղարթախիտս պարտիզկան 35
Ընդ առաւօտս
Կանխեն ամոլք միաբան.
«Ո՞ պատմեսցէ
Զորոց սիրոյն հանեն ձօն»...
−Մի՛ մեղիցէ 40
Նոցա՝ անսէրն անկրօն։
Բ
ԱՆՑՔ
Ընդ լերինս Ալպեան սահեալ
Անցանեմ ի Գաղղիա․
Ցրտահար և տուայտեալ
Անփառագեղ՝ գամ, գոնեայ, 5
Եւ ծխին յոտն լերին
Մեքենայք որ և սուլեն,
Ուղևորք խուժին, խռնին
Ի կառս կառս, և ճեպեն։
Ի Փարի՜զ, ո՛հ, ի Փարի՜զ, 10
Յազատութեանն յորորան,
Ի սո՜ւրբ սիրոյ հայրենիս՝
Ուր պա՜ր յաւէրժ և խրախճան,
Ընդ քարշ տանիմ զոսկերս իմ՝
Մազապուր խզեալ զկապանս, 15
Հանգուցանել յաղքատին
Ի մերայոց օթևան։
Tiens! կացեալ առ դուրս տան
Ձայնէ առ իս նուիրակ,
Եւ ես, յանդէտս ի մթան, 20
Կտրեմ զուղին խոտորնակ...
