5
Ցետ իբր ութն ամսոյ նորին բարձր սրբազնութիւն կոչեալ զիս առ իւր, յայտնեաց ինձ զհրամանագրութենէ Սինօդին սրբոյ էջմիածնի առ ինքն, որով ծանուցանէր նոյն իշխանութիւնն թէ զառաջարկութիւն նորին բարձր սրբազնութեան ունի թողուլ առանց ընթացից մինչև գործն ծագեալ ըստ անձամբ կարդադրութեան նորին սրբութեան ծայրադոյն պատրիարգին վասն իմ ո՛չ առցէ զիւր վախճանական լրումն։
6
Գործս այս լինելով անտեղի ինչ և յարդարեալ յոմաց անխիղճ անձանց ոսոխացելոց ընդ իսկ չունի բնաւին ընդունել զվճիռ ինչ, վասն զի, յետ գոլոյ այնր անհիմն և բոլորովին անկանօն չունի թերևս և զօրինաւոր թոյլտուութիւն սկզբնաւորութեա֊ն և շարունակութեան ի կանոնադրութեանց Ձերոյին կայսերական մեծութեան, վասն զի յայնմ ժամանակի՝ այն է յամի 1846, յորում զիս բռնադատին յանձին առնուլ գոլ յանցաւոր, գտանէի ես 17 ամեայ մանուկ անչափահաս, յօրժամ օրէնք յամենայնի ներողաբար վարէր ընդ իս, եթէ իրօք գտանեցեալ էր իմ յիր ինչ յանցաւոր։ Այլ այնու ամենայնիվ ես ի դէմս պահանջողութեանդ նորին սրբութեան տուեալ եմ զիմ պատասխանի ընդ ձեռն բարձր սրբազնութեան Մատթէոս արքեպիսկոպոսի ի 21 ֊էն ապրիլի 1852 ամի և ընդ ձեռն Սինօդի սրբոյ էջմիածնի ի 10֊էն դեկտեմբերի նոյն ամի, առավել քան զորս չունիմ ասել ինչ, ըստ որում ամենայն հանգամանք գործոյն յայտնի երևին ի վերտողեալ յայտարարութեանց իմոց։
7
Ես տեսանելով զի ողորմելի աղքատութեամբ դեգերեալ ի դրունս այլոց գրագրութեամբ հազիւ թոշակեմ զաւուրն պարէն և Սինօդն էջմիածնի յետադրեաց զիւր վասն իմ տնօրինութիւն, պարտալորեցայ առանձին խնդրագրաւ ի 10֊էն դեկտեմբերի անցեալ 1852 ամի աղերսել զնոյն ատեան փութացուցանել զիւր տնօրինութիւն ըստ իւրում նկատման, կամ ընդունել զիս ի հոգևոր կոչումն և կամ թէ անարժան ոք դատիմ առ այն, առանց զիս դեգերեցուցանելոյ և ծախելոյ զժամանակ իմ ի նանիր, յետս առ իս զվկայագիր իմ դարձուցանել, որպէսզի ընկալեալ զայն, մարթացից օրինաւոր եղանակաւ մտանել յամենահպատակ ծա֊
