Դրամատիկական երկեր
Դրամատիկական ժանրը Նար-Դոսին հետաքրքրել է դեռևս պատանեկան տարիներից։ Նրա վաղ շրջանի պիեսներից պահպանվել են «Մեղր և ճանճեր», «Եղբայր» գործերը, որոնք առաջին անգամ տպագրվել են երկերի երկրորդ հրատարակության 7-րդ հատորում։
«Մեղր և ճանճեր»
Նար-Դոսի առաջին պիեսն է, գրվել է 1884-ին և վերջնական մշակման ենթարկվել 1886-ին։ Իր բնույթով այն կատակերգություն է: Տեքստը վերցված է երկերի չորրորդ հրատարակությունից։
«Եղբայր»
Անավարտ է։ Գրվել է 1887-ին, Լերմոնտովի «Դիմակահանդես» դրամայի ազդեցությամբ։ (Տես Նար-Դոսի ինքնակենսագրությունը): Տեքստը վերցված է նույն հրատարակությունից:
«Սպանված աղավնին»
Հեղինակը դրաման գրել է իր համանուն վեպի հիման վրա։ 1906 թվականի հոկտեմբեր-նոյեմբերին։ Արժանացել է հայ դրամատիկական ընկերության մրցանակին և առաջին անգամ բեմադրվել է 1908-ի դեկտեմբերի 1-ին, Թիֆլիսում։
«Հենակներով մարդը»
Նար-Դոսը այս դրաման գրել է իր «Անհետ կորածը» պատմվածքի հիման վրա՝ 1920 թ. հոկտեմբերին։ Առաջին անգամ տպագրվել է 1921-ին, Գ. Լևոնյանի «Գեղարվեստ» ամսագրի 7-րդ գրքում: Ներկա հրատարակության տեքստը վերցված է գրողի երկերի չորրորդ հրատարակությունից։
«Ազատամտության դրոշակակիրը»
Նախատեսված է եղել չորս արարվածով ամբողջական մի կատակերգություն, բայց պահպանվել են առաջին արարվածի վերջին և երկրորդ արարվածի առաջին մի քանի էջերը։ Այս պատառիկը որոշակի հետաքրքրություն