Վիքիդարանից՝ ազատ գրադարանից
Զի Տիգրիսին մեծի կայլակ,
Որ յԱդենայ քառորդ վտակ,
Ցասմամբ խաղայ միշտ համարձակ
Ընդ գոգ հովտին արագ-արագ:
Մերձ Կանգուար մեծ ամրոցին,
Որ Ագռաւուց քար կոչէին,
Ուստի լերանցն ջուրք հոսէին
Եւ գետանան ընդ գարնան մասին:
Գայ զառիվայր առապարին,
Անցեալ ընդ հիմն տաճարին,
Ընդ արքային շիրմով պարին,
Ապա ի մի խառնեալ յարին:
Հիմն արկանէ անդ հաւատոյ
Ընդ խորանին կառուցելոյ,
Շինեալ յանուն կուսին հոգայ
Եւ պատկերին, որ անդ սրբոյ:
Արդ առաքեալ Բարդուղիմին
Կառուցանէ իւրով ձեռին,
Փոքր ձևով զեկեղեցին
Եւ անուանէ Աստուածածին:
Զտեղին Հոգաց վանք անուանէ
Եւ ի քըւերս կանայս յանձնէ,
Խրճիթ փոքրիկ նոցա շինէ
Եւ ի դերբուկս բաժանե:
|
|
