այլ զիւր բանսն մեծարէ և գովէ,
Զինչ օգտիցիս դու ի պատուոց եկելոց,
մինչ ոչ ունիս զանանց պատիւն ընտրելոց:
Զինչ շահէ քեզ այս գովութիւնս, ո՛վ անբան,
մինչ ձաղանաց գիտես զքեզ գոլ արժան:
Կորուսանես զգովութիւնս թէ ցանկաս,
և գտանես, թէ զքեզ ո՛չ ինչ իմանաս:
82
ՆՈՐԻՆ ՊԱՂՏԱՍԱՐԻ ՎԱՍՆ ՆԱԽԱՆՁՈԻՆ Ի ԳՐՈծ
ՀԱԻԱՔԵԱԼ ԲԱՆԻՑՍ
Նախանձոտին հոգին խանձի ի ներքուստ,
մինչ տեսանէ զբարիս այլոց արտաքուստ:
Ներախանձի վասն բարեաց ընկերին,
և խարշեատեալ աղէօք քամէ զիւր ոգին:
Մինչ տեսանէ զերջանկութիւնս օտարին,
տանջանարան կազմէ ինքեան զնոսին:
Թէր մերձակայն իւր մեծարեալ բարձրանայ,
խոր խոցեալ ինքըն առ ի մահ բարձրանայ:
Այս մոլութիւնս է համայնից թշնամի,
զի զբարիս այլոց բնաւ ոչ կամի:
Աստուածածին բարիս բնութենէ ներհակ,
որ զայլսն առնէ իւր բարութեանն ընդունակը
Հակառակի երանելեացն երամին,
որք զբարիս այլոց ինքեանց վարկանին:
Զոր օրինակ ակն, որ ցաւօք պաշարի,
ամէն պայծառ իրաց փախչիլ յօժարի: