Վիքիդարանից՝ ազատ գրադարանից
Ալէտանջիս ըզքեզ, յայտնեա՛,
Այս նաւաբէկ գերոյս օգնեա՛:
Րահվար կոհակքըն անհամար,
Րուպ ինչ ո՛չ տան երբէք դադար:
Էից հանուրց էարար է
էացուցես գանձն իմ՝ յոր չէ:
|
|
ԴԱՐՁԵԱԼ ՎԷՊ ԿՐԵՑ ԵՂԿԵԼԻ ՀՈԳԻՈՅՍ
Ի կարօն լեալ ապօժանդակ,
Ջընջմամբ խըւիմ նապաւառի:
Պարաւանդին նապաւանդակ,
Յոր մութն ընդ իս յար մաքառի:
Արկած վըհատ և սարս խիթման,
Զիրդ փանաքւոյս փաստ պակուցման,
Ղորդի ղաքիս գիհամաման,
Յորում խարոյկ տաբուն վառի:
Տաղտխամած ազդերբ կարկամ,
Զելըս սինիս ո՛չ ինչ խոկամ,
Աղկաղկ վսեհ արտալած կամ,
Իբր ըզպաճար որ թափառի:
|
|