Էջ:Vahan Terian, Collection works, vol. 1.djvu/156

Վիքիդարանից՝ ազատ գրադարանից
Այս էջը հաստատված է

5

***

Խոսքերդ վըճիտ են ու խորունկ,—
Այնպես պա՜րզ, այնպես պա՜րզ ես ժպտում.
Եվ ահա տրտունջ ու մտորմունք
Հանգչում են մրրկված իմ սրտում...

Ընդունում ես աշխարհը բոլոր,—
Օրհնում ես, օրհներգում ու սիրում,
Եվ խոհերըս, խոհերըս մոլոր
Մոռացված են մեռած օրերում։

Ու թվում է, թվում, որ դու չես
Արևող ժպիտով ակնարկում,
Որ ուրիշ լուսով եմ դյութված ես,
Որ քեզ չեմ, ուրիշին եմ երգում...


[1912]