Էջ:Vahan Terian, Collection works, vol. 1.djvu/97

Վիքիդարանից՝ ազատ գրադարանից
Այս էջը հաստատված է

73

* * *

Հեռու երկրի լուսե հովտում
Օրերն ուրիշ երգ են հյուսում.
Կյանքից հոգնած սիրտըս տրտում
Այն երկիրն է միշտ երազում...
Խաղաղությունն այն հեռանիստ,
Ուր մի ուրիշ արևի փայլ
Ծավալում է անանց հանգիստ
Եվ խնդություն մի անայլայլ,
Մի խնդություն մաքուր ու խոր.
Եվ անեզերք և անվախճան.
Ուր քո սիրտը որբ ու մոլոր
Գրկում է մի ոսկե շրջան...


[1912]