Վիքիդարանից՝ ազատ գրադարանից
ԻՄ ԱՆՆԸՄԱՆ, ՅՈՅԺ ԳՈՎԵԼԻ
Իմ աննըման, յոյժ գովելի
Արարեր զիս ողորմելի,
Տեսոյդ գերի լինիմ, գերի.
Արի՛, սէ՜ր իմ, արի՛, արի՛,
Զարթի՛ր ի քընոյդ:
Իմ աննըման տի՛պ գերազանց,
Դու թագուհի՛ ամէն ծաղկանց.
Գարունն է հաս, ձըմեռն էանց.
Արի՛, սէ՜ր իմ, արի՛, արի՛,
Զարթի՛ր ի քընոյդ:
Իմ աննըմա՛ն, ես քո սիրուն
Միշտ դեգերեալ կամ երերուն.
Զի՛ խարշէ զքեզ շողն արեւուն.
Արի՛, սէ՜ր իմ, արի՛, արի՛,
Զարթի՛ր ի քընոյդ:
Քո խըղճալի երգնակն եմ ես,
Միշտ ի քոյին դըոնակն եմ ես,
Զլ քո տեսոյն խընդրակն եմ ես.
Արի՛, սէ՜ր իմ, արի՛, արի՛,
Զարթի՛ր ի քընոյդ:
|
|
