Իմ հեռավոր, իմ հեռու եզերքում

Վիքիդարանից՝ ազատ գրադարանից
Jump to navigation Jump to search
Իմ հեռավոր, իմ հեռու եզերքում

Եղիշե Չարենց

Իմ հեռավոր, իմ հեռու եզերքում


Իմ հեռավոր, իմ հեռու եզերքում
Կարծես գնում եմ հիմա ու երգում:

Հովը շոյում է թեթև իմ աչքերը թաց
Ու թռչում է` սրաթև, սրընթաց:

Սիրո խոսք է իմ սրտին փսփսում,
Ժամանակն է` երազուն ու հոսուն...

Ժամանակն է, որ անցավ — ու չկա.
Տրոփում է, որպես սիրտ աղջկա:

Քա՛ղցր կանչում է դեպի օրերի հեռուն. —
Որքան խի՛նդ կա այս հեռու դաշտերում...


1919-1920