Ի յարութեան յաւուր գալստեան փրկչին

Վիքիդարանից՝ ազատ գրադարանից
Jump to navigation Jump to search
Ի յարութեան յաւուր գալստեան փրկչին

Սահակ Պարթև


Ի ՅԱՐՈՒԹԵԱՆ ՅԱՒՈՒՐ ԳԱԼՍՏԵԱՆ ՓՐԿՉԻՆ


Ի յարութեան յաւուր գալստեան փրկչին,
Տարածանէին մանկունքն զհանդերձս
Եւ անդադար ձայնիւ օրհնէին`
Օրհնեալ եկեալ անուամբ տեառն:

Ոստս ի ծառոց բերեալ մատուցանէին
Աստուածորդւոյն առ ճանապարհաւն.
Եւ անդադար ձայնիւ օրհնէին`
Օրհնեալ եկեալ անուամբ տեառն:

Ի ծերոց բղխեալ օրհնութիւն
Եւ ի տղայոց` փառաբանութիւն.
Եւ անդադար ձայնիւ օրհնէին՝
Օրհնեալ եկեալ անուամբ տեառն: