Կապույտ աչքերդ ահա - աներազ ու պաղ

Վիքիդարանից՝ ազատ գրադարանից
Jump to navigation Jump to search
Կապույտ աչքերդ ահա — աներազ ու պաղ

Եղիշե Չարենց

Կապույտ աչքերդ ահա — աներազ ու պաղ


Կապույտ աչքերդ ահա — աներազ ու պաղ,
Երկինքնե՛ր են — անարև, անուրախ:

Երկինքներ են, ուր արև ու կրակ չկա —
Կապույտ աչքեր մի մեռած, մարած աղջկա:

Ու խաչել են քո կրծքին ճերմակ ձեռքերդ շուշան.
Ծաղիկներ են — արևին չհասան...

Էլ աչքերդ երկնագույն չե՜ն ժպտում հիմա.
Դու պառկել ես դագաղում — քո՜ւյր իմ, Մահ...


1919-1920